د پاکستان پولیس وایي چی وسله والو کسانو نن د شنبې په ورځ د جنوب لویدیځ په ګوښه سیمه کي د مسافرو په یوه بس موټر باندي حمله وکړه، لس کسه یې په کي ووژل.
چارواکو وویل چی وسله والو دغه بس موټر د بلوچستان لوی ښار کوټي ته نژدې د آب ګم په ښارګوټي کی ودراوه او څوتنه یې د بس نه راکښته کړل او ډزي یې پر وکړې.تر اوسه پوری هیچا څه نه دي ویلي چی دا حمله چا کړې ده. یوه بله حمله د کوټې په ښار کې وشوه او وسله والو کسانو شپږ تنه ووژل.
بیلتون غوښتونکو په بلوچستان کي په کښته سطح بغاوتونه کړي دي. هغوی ددې سیمي د پاره زیاته خودمختاري غواړي او وایي چی د هغې د ملي منابعو گټه دي ورسره شریکه شي.