د لاس رسي وړ اتصالات

طالبان غواړي پاکستاني جګپوړه چارواکي وتښتوي


طالبان غواړي پاکستاني جګپوړه چارواکي وتښتوي

طالبان غواړي پاکستاني جګپوړه چارواکي وتښتوي

پاکستان خبرداری ورکړی چي پاکستاني طالبان په نظر کي لري ددغه ملک لوړ رتبه چارواکي ددې دپاره وتښتوي چي په بدل کی یې د اسامه بن لادن خپل خپلوان آزاد کړي.

د القاعدې ددغه مشر درې میرمني او څو ماشومان د هغه وخت را پدې خوا چي د امریکا خاصو قواو د مې په دوهمه په ( اېبټ آباد ) کي بن لادن وواژه، د پاکستان په توقیف کي دي.

د پاکستان د کورنیو چارو وزیر ( رحمان ملک ) پرون د جمعې په ورځ وویل چي طالبان غواړي د پاکستان لوړ پوړي چارواکي وتښتوي او بیا هغوي د بن لادن د کورنۍ د غړو سره تبادله کړي. هغه د طالبانو ددغي دسیسې جزئیات توضیح نه کړل.

د پاکستان یو کمیسیون چي د امریکا د هغي حملې تحقیقات کوي چي بن لادن یې وواژه، ویلي دي چي د القاعدې د وژل شوي مشر بن لادن خپل خپلوان د هغه د اجازې پرته د پاکستان نه نه شي وتلای.

پاکستاني چارواکو مخکي ویلي وو چي د بن لادن دغه درې میرمني به چي یوه یمنۍ ده او دوې نوري د سعودي عربستان دي، د ملک نه وایستل شي.

XS
SM
MD
LG