پاکستاني ماموران وايې چې د یوه تندروه پاکستاني سیاست پوه د موټرو په کاروان باندې ځان وژونکې حمله شوی، چې تقریباً ١٢ کسان په کې مړه او ٢٠ کسان زخمي شوي دي.
دغه حمله د پاکستان د جمعېت العلما اسلام د گوند په مشر مولانا فضل الرحمان باندې نن د پنجشنبې په ورځ د خیبر پښتونخوا د چارسدې په سېمه کې شوې ده، خو نوموړی روغ رمټ بچ شوی دی. په تېرو دوو ورځو کې دا دوهمه ځان وژونکې حمله وه چې په نوموړي پاکستانی سیاست پوه باندې وشوه.
پرون د چارشنبی په ورځ هم کله چې د خېبر پښتونخوا دصوابۍ په سیمه کې مولانا فضل الرحمان په لاره تېرېدو، نو د پولېسو دیوې پوستې سره نږدې ېوه موټر سایکل سواره حمله وکړه او خپل بم یې وچوو. د پولیسو د یوه افسر په شمول کم ترکمه ١٢ کسان مړه شول، خو په پخپله مولانا فضل رحمان روغ رمټ بچ شو. تراوسه پورې هېچا ددغو دواړو ځان وژونکو حملو مسوولیت په غاړه نه دی اخیستی.