د لاس رسي وړ اتصالات

ایران وایي داعش يې په خلاف دسیسې جوړوي


د داعش ډلې د سوریې د رقې ښار خپل پایتخت اعلان کړی دی.

د داعش ډلې د سوریې د رقې ښار خپل پایتخت اعلان کړی دی.

د ایران د استخباراتو وزیر محمود علوي وایي د اسلامي دولت ډله یا داعش د سوریې د راقې په ښار کې د ایران په خلاف دسیسې جوړوي.

علوي ویلي دي چې داعش څو ځله هڅه کړیده چې د هغه په قول تروریستان ایران ته ولیږي.

د رویټرز خبرې آژانس رپوټ ورکړی دی چې د ایران د استخباراتو وزیر د لبنان د یوه تلویزیون سره په مرکې کې ویلي دي که چیرته دغه هیواد په سوریه او عراق کې د ترویستي ډلو په خلاف جګړه نه وای کړې، نن به یې دغه جګړه دننه په ایران کې وای.

محمود علوي وایي ایران د سوریې په جګړې کې د خپلو ملي امنیت د ګټو د ساتلو په خاطر ورګډ شویدی.

ایران څه موده وړاندې دا ومنله چې د خپل وسله وال پوځ ځیني غړي یې سوریې ته لیږلي دي چې د اسلامي دولت یا داعش د ډلې سره په جګړې کې د جمهور رئیس بشارالاسد په ملاتړ جګړه وکړي.

ویل کیږي چې د ایران پوځیان په عراق کې هم د اسلامي دولت د ډلې په خلاف په جګړې کې ښکیل دي.

د ایران پوځ او سپاه پاسداران انقلاب دواړو خپل کسان سوریې ته استولي دي. ویل کیږي چې ایراني عسکر په عراق کې هم د داعش خلاف جنګیږي.

علوي لبناني تلویزیون ته ویلي دي چې «په سوریې کې رقه هغه ځای دی چې داعش پکښې د ایران خلاف دسیسې جوړوي.

د سوریې د رقې ښار هغه ځای دی چې د اسلامي دولت ډله یا داعش یې خپل پایتخت ګني.

XS
SM
MD
LG