د لاس رسي وړ اتصالات

په امریکا کې یوه روسي جاسوس پخپل جرم اعتراف وکړ


په امریکا کې یوه روسي جاسوس پخپل جرم اعتراف وکړ

په امریکا کې یوه روسي جاسوس پخپل جرم اعتراف وکړ

د امریکا فدرالي څارنوالان وایي د هغو کسانو د جملې نه چې روسیې ته د جاسوسۍ په تور نیول شویدي، یوه تن یې دا اعتراف کړیدی چې د روسیې د استخباراتو لپاره یې کار کاوه.

څارنوالانو د دغه کس د اعتراف خبر یوه فدرالي قاضي ته د نیویارک په ښار کې استولی دی. ‍

څارنوالان وایي چې د جوان لازارو په نامه دغه کس دا اعتراف کړیدی چې هغه جاسوس دی، هغه دا هم ویلي دي چې اصلي نوم یې لازارو ندی او بله دا چې د روسیې استخباراتي ادارې ورته په نیویارک کې کور هم برابر کړی ؤ.

لازارو ویلي دي چې هغه به د روسیې د استخباراتو لپاره د خپلې وفادارۍ نه سرغړاونه ونکړي او پدې برخې کې به د خپل زوی مینه هم ونه سپموي.

لازارو د خپل اصلي نوم په اړه څه ندي ویلي خو په سربیا کې یې د خپل ماشومتوب په اړه څارنوالانو ته ځیني معلومات ورکړيدي.

څارنوالانو همدارنګه ویلي دي چې تحقیق کوونکو د دوو تنو نورو مشکوکو کسانو لس زره نقد ډالر د بانک په یوه محفوظ بکس کې موندلي دي.

چارواکي وایي چې د دغو مشکوکو کسانو په اړه ټول شواهد حیرانونکي او زیات دي او بله دا چې د حکومت قضیه خورا قوي ده.

XS
SM
MD
LG