د لاس رسي وړ اتصالات

د لمر په انرژۍ چلېدونکې الوتکه ۵۶ ساعته پرواز وکړ


دوه پیلوټان په نوبت سره دغه الوتکه چلوي

دوه پیلوټان په نوبت سره دغه الوتکه چلوي

د " سولر امپلس " الوتکه، چې د لمر د انرژۍ په مرسته چلیږي د ارام سمندر د پاسه ۵۶ ساعتونه تر اوږد پرواز وروسته د امریکا په کلفورنیا ایالت کې ښکته شوې او دمه کوي.

د ارام سمندر د پاسه پرواز د دغې الوتکې تر ټولو اوږد او خطرناک سفر بلل شوی دی ځکه که اړتیا پېښه شوې وه، الوتکې په سمندر کې د بېړنۍ ناستې لپاره ځای نه درلود.

ټاکل شوې، چې دغه الوتکه به له کلفورنیا ایالت نه د اطلس اقیانوس له لارې شمالي افریقا ته ولاړه شي او له هغه ځای نه به بیا مخامخ ابوظبۍ ته ځي. د سولر امپلس الوتکې د ۲۰۱۵ کال د مارچ په میاشت کې له ابوظبۍ نه خپل نړیوال سفر پیل کړی و.

د سولر امپلس الوتکه ۲۳۰۰ کیلو ګرامه وزن لري او ۷۲ مېتره وزرونه لري، وزرونه یې د ۷۴۷ بوینګ الوتکې تر وزورنه هم اوږده دي. د الوتکې په وزرونو کې ۱۷ سلولونه نصب شوي چې له لمر څخه انرژي اخلي او بیا الوتکې ته برېښنا ورکوي.

ټاکل شوې چې دغه الوتکه د اطلس اقیانوس له لارې شمالي افریقا ته ولاړه شي.

ټاکل شوې چې دغه الوتکه د اطلس اقیانوس له لارې شمالي افریقا ته ولاړه شي.

دوه پیلوټان په نوبت سره دغه الوتکه چلوي، پیلوټان پیکارد او اندري بورشبرګ نومیږي، چې د سویس دي.

د سولر امپلس الوتکې اصلي هدف د لمریزي انرژۍ نه ګټه اخیستل او دغې تکنالوژۍ ته لاسرسی ښودل کیږي، چې د ډېرو په باور ناشونی کار دی.

XS
SM
MD
LG