د لاس رسي وړ اتصالات

د باچاخان پوهنتون برید کې ۲۱ کسه ووژل شول


پاکستاني امنیتي چارواکي وایي د برید اکثره قربانیان محصلین او استادان دي

پاکستاني امنیتي چارواکي وایي د برید اکثره قربانیان محصلین او استادان دي

د پاکستان پوځي چاروکو ویلي چې څلور بریدکوونکو هم وژل شوي. طالبانو د برید مسوولیت پغاړه اخیستی دی.‌

د پاکستان د خیبر پښتونخوا د ایالت د چهارسدې په ښار کې د باچاخان په پوهنتون په خونړۍ برید کې ۲۱ کسه ووژل شول او تر څلویښتو ډیر نور ټپیان شول. د راپورونو له مخې په پیښه څلور بریدکوونکي‌ هم وژل شوي دي.

د پاکستان د طالبانو د تحریک یوه ویاند رسنیو ته ویلي‌ چې برید د دې ډلې جنګیالیو ترسره کړ. طالبانو نده څرګنده کړې چې ولې یې پر دې پوهنتون او پکښې پر ملکي محصلینو او ښوونکو برید کړی و.

له برید وروسته د پاکستان د پوځ لوی درستیر، راحیل شریف، له سیمې لیدنه وکړه. پاکستاني پوځ د ۲۰۱۴ کال د ډسامبر په میاشت کې د پیښور پر یوه پوځي ښوونځي د طالبانو له مرګوني برید وروسته، په شمالي وزیرستان کې پراخ پوځي عملیات پیل کړل. د پوځ چارواکو تیرکال ادعا وکړه چې د پاکستاني طالبانو ډله یې تار و مار کړې ده.

د افغانستان په ګډون د نړۍ د بیلابیلو هیوادونو مشرانو د باچاخان پر پوهنتون برید غندلی دی.

له برید وروسته د پیښې د ځاې عکسونه دلته وګورئ:

XS
SM
MD
LG