د لاس رسي وړ اتصالات

امریکا د سایبري بریدونو پوره مخنیوی ولې نشي کولای؟


د سایبري بریدونو په تړاو د امریکا د کانگرس غبرگون

د سایبري بریدونو په تړاو د امریکا د کانگرس غبرگون

د سایبري بریدونو په وړاندې د خوندیتوب په چارو کې د نیمگړتیاو په تړاو د دولتی ادارو د کاري قوې د استخدام او تکنالوژۍ د څانگی پر چارواکو باندې د کانگرس د غړو دا ځل نیوکه جدی او شدیده وه.

په کانگرس کې د اصلاحاتو او څار د کمېټې رئیس جیسن چې فیتس، د فدرال د کارکونکو د انسجام او معلوماتی چارو مشرې ته د کلک غبرگون په ترڅ کې وویل تاسو په بشپړه او مطلقه توگه پدې دنده کې ناکام شوي یاست.

ښاغلي جیسن چې فېتس وویل دا د حیرت خبره هم نده چې د مامورینو د بشري قوې دفتر په نښه شوی دی. هغه وویل، «د کارکونکو د معلوماتي دفتر ټول سري سیستم داسې نا مصؤنه و لکه چې د کور ټولې کړکۍ او دروازی خلاصی پرښودل شي او دا تمه هم ونلرو چې څوک به کور ته ننوځي او معلومات به مو یوسي.»

د فدرال حکومت د کارکونکو د معلوماتي دفتر مشرې کترین آرچولیتا وویل دغې ادارې د سایبري خطرونو څخه د مصؤنیت دپاره د سیستم د اصلاح او تجدید په موخه جدي گامونه پورته کړي دي.

هغه زیاته کړه «ددې کار په نتیجه کی د دوه زره پنځلسم کال په اپریل میاشت کې دیته د ورته برید، چې سیستم ته د داخلیدو او د امنیتي چارو د کنترول تر لاسه کولو هڅه وه، مخنیوی وشو.»

امریکایی چارواکو تیره اونۍ د یوه جلا بل برید خبرهم ورکړ چې د امنیتی خوندیتوب د نیمگړتیاو له امله د پوځی او استخباراتي څانگی د کارکونکو د سابقې په اړه د مهمو اسرارو په گډون له جزییاتو نه ډک بیلابیل معلومات د نورو لاس ته ولویدل.

د چارواکو په وینا دوهم سایبري برید ښایی د څوارلس ملیون وگړو سري معلومات خطر سره مخ کړي وی.

ځینی امریکایی چارواکي وایي دوي ویره لري چې مخالف لوری به د امریکایی دولتی کار کونکو په تهدیدلو سره د دوی د معلوماتو د نه افشا کولو په بدل کې لدوی څخه د یهرنیو استخباراتي جاسوسانو په توگه کار واخلي.

او یا هم ښایی لدوي څخه ددې دپاره کار واخلي چې د هیواد نه بهر پر خپلو خپلوانو باندې څار وساتي او په اړه یی معلومات دوي ته ورسوي.

د سایبري بریدونو په وړاندې د خوندیتوب په چارو کې د نیمگړتیاو په تړاو د دولتی ادارو د کاري قوې د استخدام او تکنالوژۍ د څانگی پر چارواکو باندې د کانگرس د غړو دا ځل نیوکه جدی او شدیده وه.

په کانگرس کې د اصلاحاتو او څار د کمېټې رئیس جیسن چې فیتس، د فدرال د کارکونکو د انسجام او معلوماتی چارو مشرې ته د کلک غبرگون په ترڅ کې وویل تاسو په بشپړه او مطلقه توگه پدې دنده کې ناکام شوي یاست.

میرمن ارچلیتا وویل چې د دولتي ادارو د تکنالوژۍ سیستمونه چې تل د دوامدارو سایبري بریدونو لاندې دی، خورا پخواني او زاړه دي.

هغی وویل چې په معمول ډول دوي په یوه میاشت کې د پلان شویو سایبری بریدونو لس ملیون هڅی خنثی کوي.

هغی خبرداری ورکړ چې دا بریدونه به لا دوام ولري او لا به نور شدید هم شي.

XS
SM
MD
LG