د لاس رسي وړ اتصالات

عرب لیګ بیا په سوریه کې خپل نظارتي ماموریت پیلوي


عرب لیګ بیا په سوریه کې خپل نظارتي ماموریت پیلوي

عرب لیګ بیا په سوریه کې خپل نظارتي ماموریت پیلوي

په داسي حال کې چې عرب لیګ د سوریې د ملي شورا پر څرنګوالي باندي په قاهره کې بحث کوي دغه سازمان ویلي دي چې نن د یکشنبې په ورځ به په یوه وړاندیز باندي غور وکړي چې په سوریې کې خپل متوقف شوی نظارتي ماموریت بیرته دسره پیل کړي او په کښي به د غیر عرب هیوادونو، ملګرو ملتونو او نورو مسلمانو هیوادونو استاځي د ناظرینو په توګه د وضیعت څارنه کوي. بله پلوه د القاعدې مشر د سوریې د خلګو د پاڅون څخه دفاع کړې ده.

پر دغه وړاندیز به نن د سوریې د ډلې له خوا چې د قطر په مشرۍ د څو هیوادونو له خوا تشکیل شوې ده، بحث وشي. دغه ډله به د عرب لیګ د باندنیو چارو وزیرانو غونډې ته چې نن ناوخته د مصر په پایتخت کې دایږي د سوریې په هکله وړاندیزونه وکړي.

تیره میاشت عرب لیګ په سوریې کې خپل نظارتي ماموریت وروسته له هغه نه ودروی چې پرې نیوکه وشوه چې و یې نشو کړای چې په دغه هیواد کې د وینې تویونې مخنیوی وکړي. داسي نه ښکاري چې د سوریې خلګ دي د څارونکو یا ناظرینو نوې ډله ومني.

د یادونې وړ ده چې ولسمشر بشرالا سد د هغه پاڅون پرضد سخت دریځ غوره کړی دی چې یوولس میاشتې مخکي پیل شو او د جنورۍ تر میاشتې پوري په کښي د ملګرو ملتونو د امارو پر بنسټ ۵۴۰۰ کسه وژل شوي دي. د جنورۍ د میاشتې وروسته ملګرو ملتونو د تلفاتو شمیرل بند کړل ځکه د ارقامو تاییدول ناممکنه خبره وه خو ویل کېږي چې د هغه وخت راهیسي هم په سلګونو خلګ وژل شوي دي.

بل پلوه عرب لیګ په قاهره کې نن د یکشنبې په ورځ د سوریې د ملي شورا په هکله هم خبري کوي چې زیات شمیر د سوریې خلګو په ترکیې کې ددغه شورا د شتون سره مخالفت ښودلی دی.

د سوریې ملي شورا چې د انتقالي شورا په نامه هم مشهوره ده د سوریې دباندي په قسمي ډول د رسمي حکومت په ډول په رسمیت پېږندل شوې ده. دغه شورا په نړیواله کچه رسمي پېږندګلوي غواړي.

د سوریې ملي شورا د نظامي مداخلې پریکړه کړې خو په سوریې کې دننه د حکومت مخالفې ډلې یې پرضد احتجاجونه کوي او وايي چې دغه ډول اقدام به یواځي دمخه لا حساس وضیعت نور هم پسي پیچلی کړي.

اناس جودا د عدالت او پرمختګ د تحریک ویاند دی.

هغه داسی وايي: ،،مونږ د سوریې د ملي شورا مخالفه یوو چې غواړي په سوریه کې د نظامي مداخلې غوښتنه کوي. دغه شورا خپلواکه اراده نلري او په خپلوو سیاسي افکارو کې آزادي نلري. دوي د سوریې د خلګو د غوښتنو او ګټو استاځیتوب نشي کولای. دوي د نورو قدرتونو د ګټو استاځیتوب کوي.،،

په عین حال کې د سوریې د باندنیو چارو د وزارت مرستیال فیصل المیکداد د سوریې د ملي انتقال شورا د په رسیمت پیژندلو پر ضد احتجاج څرګند کړ او داسي یی وویل: ،،زه فکر کوم چې دا د عربي هیوادونو د اړیکو دپاره ډیره خطرناکه خبره ده،،

په عین حال کې د القاعدې مشر ایمن الزواهري د یوې ویډیو په مرسته چې نن د یکشنبې په ورځ پر انټرنیټ باندي خپره شوه د ولسمشر اسد پر ضد د خلګو د پاڅون څخه ملاتړ کړی خو د سوریې خلګو ته یې ویلي دي چې د ولسمشر اسد د راپرځولو دپاره دي پر عربي حکومتونو او لویدیځو هیوادونو تکیه نه کوي.

د القاعدې مشر ایمن الزواهري داسي وايي:،،زمونږ د سوریې خلګو! پر لویدیځ، متحده ایالاتو، عربي حکومتونو او ترکیې باندي تکیه مه کویْ.،،

په دې ۸ دقیقې ویډیو کې چې د سوریې د زمریانو په نامه یاده شوې ده، الزواهري په ترکیې، عراق، لبنان او اردو کې پر خلګو باندي غږ کړی دی چې د سوریې د خلګو سره دي د اسد د رجیم په رانسکورولو کې مرسته وکړي.

XS
SM
MD
LG