د لاس رسي وړ اتصالات

سور صلیب هڅه کوي د سوریې د حمص نه ټپیان راوباسي


سور صلیب هڅه کوي د سوریې د حمص نه ټپیان راوباسي

سور صلیب هڅه کوي د سوریې د حمص نه ټپیان راوباسي

سره صلیب نن د شنبې په ورځ نوري هلي ځلي وکړې چي د سوریې د حمص د محاصره شوي ښار نه نور خلک چي طبی علاج ته ضرورت لري راوباسي. د سره صلیب د نړۍ والي کمیټې یوه نطاق وویل چي د سوریې د حکومتي چارواکو او مخالفینو سره یې بیا خبري پیل کړي دي چي هر څوک چي مرستی ته ضرورت لري را وباسي.

سره صلیب د جمعې په ورځ وویل چي د حمص د ښار د ( بابا امر ) د سیمي نه یې اووه زخمي کسان را ایستلي دي، مگر دا یې نه دي ویلي چي دوه تنه زخمي شوي لویدیځ ژورنالیستان هم په هغوي کي وو که نه.

د سوریې حکومتي قواو پرون هم د حمص په ښار باندي بمبارۍ وکړې او دا یې دریمه هفته وه چي دې بمباریو دوام درلود. د مخالفینو فعالینو وویل چي په دې ډزو او بمباریو کي لږترلږه ٢٢ کسه وژل شوي دي او په زرگونو خلک په دې سیمه کي بند پاته دي.

XS
SM
MD
LG