د لاس رسي وړ اتصالات

م.م: افغانستان کې ملکي تلفات تر پروسږ کال زیات شوي


م.م: افغانستان کې ملکي تلفات تر پروسږ کال زیات شوي

م.م: افغانستان کې ملکي تلفات تر پروسږ کال زیات شوي

په هغه نوی رپوټ کې چی د ملگرو ملتونو عمومی منشي د افغانستان د حالاتو په اړه د امنیت شورا ته وړاندی کړی ویل شوي چی د جون له میاشتی تر اګست پورې په افغانستان کې د جګړو د ملکي شمیره ۹۷۱ تنو ته رسي او د ټپیانو شمیر یو زرو څلور سوه یولس ښودل شوی دی چې د دوه زره لسم په پرتلې پکې پنځه فیصده زیاتوالی لیدل کیږي.

د ملکی تلفاتو د شمیر په زیاتیدو د ولسي وګړو د خوندي ساتنې په هکله هم اندیښنې زیاتې شوي.

یوناما وایي، یوازې د سږ کال په شپږو لومړیو میاشتو کې یو زرو څلور سوه دو شپیته تنه وژل شوي چې د تیر کال څخه پنځلس فیصده زیاتوالی په ډاګه کوي.

ددی مرګ ژوبلو اتیا فیصده پړه د حکومت پر مخالفو ډلو اچول کیږي، بهرني او حکومتي ځواکونه د څوارلسو فیصدو په مرګ ژوبله کی ګرم بلل شوي دي.

ملګرو ملتونو دغه راز ویلي چې د جګړو او ناامنیو له کبله په افغانستان څه باندی یو سلو دیرش زره خلک له خپلو کورنو بی ځایه شوی دی.

XS
SM
MD
LG