د لاس رسي وړ اتصالات

چین له امریکا نه د اکتشافي پروازونو بندولو غوښتنه کړې


چین د واشنگتن نه غواړي چې سمدستی دې، د دغه ملک په ساحل خپل اکتشافی پروازونه بند کړي. د دوه چنیایي جنگي الوتکو له خوا د امریکا د پوځي اکتشافي الوتکې د تعقیبولو نه وروسته چې پنتاگان غیر مصون حالت وباله، چین دغه غوښتنه کړیده.

پنتاگان وویل، دوه چنیایي جنگي جټ الوتکو، د سه شنبې په ورځ د عادي گزمې په وخت کی د امریکا اکتشافي الوتکه، د چین د جنوبي سمندرگي دپاسه، په بین المللی هوایي قلمرو کې تعقیب کړیده.

خو د چین د خارجه وزارت نطاق، هانگ لي، د پنجشنبې په ورځ وویل، پنتگان د دې پیښې په هکله صحیح خبره ، نده کړی. ده وویل، د چین ، دوه جنگي جټ الوتکو، د قانون او مقرراتو په اساس د امریکا دغه الوتکه څارلې او تعقیب کړیده، او زیاته یی کړه چې جټ الوتکو محفوظه فاصله درلوده او هیڅ خطرناک اقدامات یې نه دي کړي.

چین د جنوبي سیند په اوبو کې مصنوي جزیرې جوړوي

چین د جنوبي سیند په اوبو کې مصنوي جزیرې جوړوي

دا غوښتنه په داسې وخت کې کیږي چې د امریکا ولسمشر بله اوونۍ اسیا ته سفر کوي. ولمسشر اوباما به د امریکا لومړی ولسمشر وي چې د جاپان یوروشیمیا ښار ته ځي ،چې د دویم نړیوالې جگړې په وخت هلته امریکا اتوم بم غورځولی و. دې سفر کې ولسمشر اوباما پخواني رقیب هیواد ویتنام ته هم ځي.

په سیمه کې یو ستر تشنج د چین د هغې دعوې په سبب هم پیدا شوی چې د جنوبي چین په سمندر کې ېې په یوه برخه کوي. دغه سیمه کې چین مصنوي جزیرې جوړوي او بیا به هلته د طیارو د ښکته کیدو دپاره میدان او نظامي تاسیسات جوړوي..

XS
SM
MD
LG