د لاس رسي وړ اتصالات

د امریکا ددفاع وزیر چګ هېګل وايي چې په فیلیپین کې د امریکا د نظامي حضور په هکله خبرو پرمختګ کړی دی خو پر دې یې هم ټینګار وکړ چې امریکا هیڅ علاقه نلري چې په هغه هېواد کې دایمي نظامي اډې ولري.

د امریکا ددفاع وزیر دغه څرګندونې نن د جمعې په ورځ د فیلیپین د ولسمشر بنیګنو اکوینو سره په مانیلا کې وکړې چیري چې ښاغلی هېګل آسیا ته خپل د یوې اونۍ سفر پای ته رسوي. ،،د امریکا متحده ایالات نه غواړي چې په فیلیپین کې دایمي نظامي اډې ولري. که چیري داسي وشي نو دا به د دې معنی ورکړي چې مونږ د سړې جګړې د ذهنیت پر لوري مزل کوو. پر ځای یې مونږ د یوه نوي ماډل څخه کار اخلو چې په لړ کې به یې د دواړو متحدو هېوادونو او ملګرو ترمنځ د پوځي لحاظه همکارۍ ته په کښي وده ورکول کېږي چې د دواړو خواوو په ګټه ده.،،

ښاغلي هېګل وویل چې دواړې خواووې اوس پر دې کار کوي چې یوه موافقتنامه لاس لیک کړي چې په لړ کې به یې د امریکا نور ځواکونه، بېړۍ او الوتکې د دغه ستراتيژیک هېواد څخه د تیریدو وړتیا ولري. په دې هېواد کې تر دوو لسیزو مخکي پورې امریکا دایمي پوځي اډې درلودلې.

ښاغلي هېګل دا هم وویل چې د فلپین ولسمشر اکوینو ورسره د چین د جنوب د سمندرګي په هکله هم خبرې وکړې چې فلیپین د چین سره پرې د ملکیت دعوا لري.

د پنجشنبې په ورځ د دفاع وزیر هېګل وویل چې هغه اندېښمن دی چې په یادشوي سمندرګي کې هغه اقدمات چې په لړ کې یې د اوبو پر سر د بشپړ ملکیت دعواګانې مطرح کېږي د مجادلې خطر زیاتوي. نوموړي دغه خبرې په بروني کې د جنوب ختیځې آسیا د هېوادونو د دفاع وزیرانو په غونډه کې وکړې.

د امریکا ددفاع وزیر چګ هېګل وايي چې په فیلیپین کې د امریکا د نظامي حضور په هکله خبرو پرمختګ کړی دی خو پر دې یې هم ټینګار وکړ چې امریکا هیڅ علاقه نلري چې په هغه هېواد کې دایمي نظامي اډې ولري.
XS
SM
MD
LG