د لاس رسي وړ اتصالات

د نړۍ مشرانو فلوریډا کې شوی ترورستي برید غندلی


د امریکا په اورلینډو ښار کې د همجنسبازانو په یو کلب شوې حمله کې د پنځوس کسانو وژنه د امریکاپه تاریخ کې د یو تن په لاس د دومره کسانو وژل کیدو لومړۍ پیښه ده چې په اړه ېې د نړۍ د گوټ گوټ نه ېې د غندنې او د امریکايي ولس سره د غمرازی پیغامونه راغلي دي.

دلته په امریکا کې د جمهورریس اوبامه نه پس د جمهوري ریاست انتخاباتو دپاره د دواړو گوندونو کاندیدانو هر یو د جمهوري غوښتونکو گوند کاند کاندید ډونلډ ټرمپ او میرمن کلنټن دغه وژنې غندلي دي. ښاغلي ټرمنپ دغه برید ترورستي عمل بللی او د مسلمانانو نه ېې غوښتي چې دا قسم ترورستي فکر لرونکو خلکو پیژندولو کې د دولت سره کومک وکړي.

بلخوا د دیموکرات گوند کاندیده میرمن کلنټن وايي چې موږ باید امریکا کې مسلمان ټولنو سره جریان کې شو ترڅو د داسې فکر لرونکو ځوانانو مخه ونیسو.

د افغانستان ولمسشر،اجرایوي ریس او پخواني ولسمشر دغه برید غندلی

د افغانستان ولمسشر،اجرایوي ریس او پخواني ولسمشر دغه برید غندلی

د کیتولیک عیسویانو مشر پوپ فرانیییس د پیښې د قربانیانو کورنیو ته دعا کړیده او د غم دپاره ېې د زغم غوښتنه کړیده.

د افغانستان ولسمشر اشرف غني ، د ملي وحدت حکومت اجرایوي ریس ډاکټر عبدالله عبدالله پخواني ولسمشر حامد کرزي په امریکا کې شوې دغه برید په سختو ټکو غندلی او ویلي چې ترهگري د کوم مذهب قام او نسل سره تړاو نه ل‏ري.

د فرانسې جمهورریس فرانسوه اولاند ویلي چې د فرانسې خلک د امریکا د دولت او ولس سره په دې غم کې شریک او ملاتړ ته تیار دي.

د اسرایل صدراعظم بین یامین نتن یاهو ویلي چې اسرایل د امریکا د ولس سره په دې سخت وخت کې اوږه په اوږه ولاړ دی.

د کاناډا صدراعظم جسټن تریډو د ټویټر د لارې ویلي چې موږ د خپل دوست هیواد امریکا سره په دې سخته گړۍ کې ملگري یو او د همجنسبازانو په ټولنه شوې برید غندو،د لندن ښاروال صادق خان او ایټالیا کې د همجنسبازانو د مرکز ویاند هم ویلی چې دوي دغه برید ډیر غمژن کړیدي.

دا مو هم ښایي خوښ شي

XS
SM
MD
LG