د لاس رسي وړ اتصالات

د دونالډ ترمپ بری رسماً اعلانیږي


ټاکل شوې چې منتخب ولسمشر دونالډ ترمپ راروانه میاشت لوړه وکړي

ټاکل شوې چې منتخب ولسمشر دونالډ ترمپ راروانه میاشت لوړه وکړي

نن دونالډ ترمپ رسمآ د امریکا د ولسمشر په توګه انتخابیږي.

ټاکل شوې چې په امریکا کې د جمهور رئیس د ټاکلو پلاوی (Electoral Colleges ) نن دوشنبه د ډسامبر په ١٩ دونالډ ترمپ رسماً د امریکا د متحدو ایالاتو د جمهور رئیس په توگه انتخاب کړي.

معمولاً د امریکا د جمهوري ریاست د کاندید د بریالیتوب اعلان رسماً په همدغه ورځ کیږي، خو دا اعلان ځکه تر نورو څه ناڅه فرق کوي، چې د ټرمپ په بري کې د روسیې د مرستو ادعاوې شوي دي.

ټاکل شوې چې د دوشنبې په ورځ په واشنګټن ډي سي او د امریکا په ۵۰ ایالتونو کې د جمهور رئیس د ټاکلو ۵۳۸ پلاوی دونالډ ترمپ او د هغه مرستیال ته رایه ورکړي او رسماً به ولسمشر وټاکل شي.

یوه خبره باید واضح شي چې دغه انتخابات د نوامبر د عمومي انتخاباتو نتیجه بدلولی رابدلولی نشي، بلکې دا تر ډېره یوه تشریفاتي بڼه لري.

په متحدو ایالتونو کې ۵۳۸ انتخاباتي حوزې یا رایې دي، چې د هر ایالت د نفوسو په تناسب فرق کوي. هر کاندید چې په عمومي انتخاباتو کې د دغو رایو اکثریت ۲۷۰ استازي وګټي، ولسمشر کیږي. خو ښاغلي ترمپ ۳۰۶ وګټلې دي.

په همدې حال کې داسې ادعاوې شته چې د روسیې انټرنټي هکرانو په انتخاباتو کې له دونالد ټرمپ سره مرسته کړې ده، خو د ټرمپ مطبوعاتي ډلې دا ادعاوې رد کړي دي.

د رویټرز اژانس وايي چې روسیې هم د امریکا په انتخاباتو کې د لاسوهنې ادعاوې رد کړي دي.

د نوامبر په انتخاباتو کې دونالډ ترمپ خپلې ډموکراتې سیالې هیلري کلنټن ته ماتې ورکړه او ټاکل شوې چې د ۲۰۱۷ په لومړۍ میاشت کې به د متحدو ایالتونو د ۴۵ ولسمشر په توگه لوړه وکړي.

XS
SM
MD
LG