د لاس رسي وړ اتصالات

سږکال د ګوانتنامو اوه خوشي شوي بیرته جګړې ته تللي


دا مهال د ګوانتنامو په زندان کې ۹۱ بندیان پاتې دي. 

دا مهال د ګوانتنامو په زندان کې ۹۱ بندیان پاتې دي. 

سپینه ماڼۍ وايي د تېر یو کال په پرتله په شپږو میاشتو کې د هغو کسانو شمېر دوه برابره زیات شوی، چې شک کېږي د ګوانتنامو له زندان نه له ازادېدو وروسته بېرته د ترهګرو ډلو سره یو ځای شوي دي.

شاید دغه کار پر ولسمشر اوباما، چې غواړي د ګوانتنامو زندان وتړي، سیاسي فشارونه او نیوکې لا زیاتې کړي.

د امریکا د ملي استخباراتو د ادارې د شمېرو له مخې د جنورۍ له ۱۵ راهیسې د ګوانتنامو اووه پرېښودل شوي زندانیان بېرته له ترهګرو سره یو ځای شوي دي.

د رویټرز خبري اژانس د راپور له مخې له ۲۰۰۹ کال راهیسې، چې اوباما واک ترلاسه کړ، له ګوانتنامو څخه ۱۴۴ زندانیان ازاد شوي دي.

دغه شمېره د تېرکال په پرتله دوه برابره زیاته ده، تېرکال همدغه وخت د ګوانتنامو شپږ پرېښودل شوي بندیان بېرته ترهګریزو فعالیتونو ته ورګرځېدلي وو.

د امریکا د استخباراتو ملي اداره په هرو شپږو میاشتو راپور خپروي، خو ډېر جزییات نه ورکوي، چې دغه کسان چېرته او له کومو ډلو سره یو ځای شوي دي.

د دغې ادارې د راپور له مخې د جورج ډبلیو بوش پر مهال، د ګوانتنامو د ۵۳۲ بندیانو له ډلې یې ۱۱۱ پرېښودل شوي وو، چې ۷۴ تنه یې بېرته د جګړې ډګرونو ته تللي وو.

کله چې امریکا په افغانستان او عراق جنګ پیل کړ، په نورو هېوادونو کې یې هم ترهګر تعقیبول او نیول.

دا مهال د ګوانتنامو په زندان کې ۹۱ بندیان پاتې دي.

تیر میلادي کال امریکا څلور بندیان له ګوانتنامو څخه افغانستان ته ولیږدول.

د ګوانتنامو زندان د ۲۰۰۱ کال وروسته چې په امریکا کې ترهګریز بریدونه وشول جوړ شو، دغلته یو مهال شاوخوا ۷۰۰ مشکوک ترهګر ساتل کيدل چي یو شمير یي افغانان وو.

XS
SM
MD
LG