د لاس رسي وړ اتصالات

د برتانیا صدراعظمه وايي ډېرو مسایلو کې ټرمپ سره موافقه ده


تېریسا مې لومړنۍ بهرنۍ مشره ده چې په سپینې ماڼې کې له ټرمپ سره ملاقات کوي

د برتانیا لومړۍ وزېرې تېریسا مې په سپینې ماڼۍ کې د امریکا له نوي ولسمشر ډونالد ټرمپ سره ولیدل.

هغه لومړنۍ بهرنۍ مشره ده چې د امریکا له نوي ولسمشر ډونالد ټرمپ سره ګوري. میرمن مې وویل چې له ښاغلي ټرمپ سره په ډېرو مسایلو کې همغږې او موافقه ده.

په خپله ولسمشر ټرمپ وویل چې د برتانیا او امریکا د خلکو لپاره ښې ورځې را روانې دي. برتانیا او امریکا دواړه غواړې چې په نړیواله کچه خپلې اقتصادې اړیکې اصلاح کړې، برتانیا د اروپايی ټولنې څخه خپل وتل ځنډولي او ټرمپ د ۱۲ هېوادونو له سوداګریز تړون څخه امریکا وویستله.

له اروپايي ټولنې څخه د برتانیا د وتلو په پلان کې د کډوالو کنټرولول هم شامل دي، خو میرمن مې لا په دې اړه کوم پلان نه دی اعلان کړی.

د برتانیا صدراعظمې وویل چې امریکا او برتانیا غواړي چې خپلې ګټې وساتي خو د تیر وخت ناکامه پالیسې تعقیب نکړي.

هغې په ځینو نړیوالو ادارو کې لکه ناټو او ملګرو ملتونو کې د اصلاحاتو غوښتنه هم وکړه او تر څنګ یې وویل چې دا ډول نړیوالې ادارې دې باید په امریکا ډېره تکیه ونکړي.

په همدې حال کې د سپینې ماڼۍ ویاند شان سپایسر ویلي چې ولسمشر ټرمپ پر نړیوالو ټولنو باندې د مالي مرستو د بندولو پرېکړه نه ده کړې، په دغو نړیوالو ټولنو کې ملګري ملتونه هم شامل دي.

دغو دواړو مشرانو له خصوصي ملاقات وروسته په سپینې ماڼې کې خبري کنفرانس هم ورکړ.

XS
SM
MD
LG