د لاس رسي وړ اتصالات

واشنگټن پوسټ: افغانانو ته غږ ندی رسیدلی


واشنگټن پوسټ: افغانانو ته غږ ندی رسیدلی

واشنگټن پوسټ: افغانانو ته غږ ندی رسیدلی

واشنگټن پوسټ لیکی چی امریکا په افغانستان کی په ملیونونو ډالر لگولی، تر څو افغانانو ته خپل غږ ورسوي خو تر اوسه په دې کار نه دي بریالي شوي.

د مثال په ډول د امریکا د بهرنیو چارو وزارت اوس غواړي په کندهار کی د خلکو د خبرولو د پاره د هماغه زړی طریقی نه کار واخلي چی هغه راډیو او ټلویزیون دئ. هغوی غواړي د افغانانو راډیویی او ټلویزیونی خپرونی په وړیا توگه په خپل هغه راډیو ټلویزیون کی نشر کړي چی د کندهار په هوایی ډگر کی یی په دی وروستیو وختونو کی تاسیس کړئ دئ او اداره یی د امریکا د پوځ په لاس کی ده.

په کابل کی د امریکا په سفارت کی د ارتباطي اړیکو او وگړنیزی ډیپلوماسۍ ریس دوید انسر چی پخوا د د سی ان ان د نشراتی شبکی خبریال ؤ ویلی چی د دغه پروگرام هدف دا دئ چی افغانانو ته په لیری پرتو سیمو کی راډیویی او ټلویزیونی خپرونی چی مخکی تر ی محروم وو ورورسوي..”

دغه راز ورځپاڼه لیکی چی د امریکا د بهرنیو چارو وزیری هیلری کلینټن د سنا مجلس یوی جرگه گۍ ته په دی وروستیو وختونو کی ویلی چی مونږ په داسی یوه جگړه بوخت یو چی هغه تبلیغاتی جگړه ده، ورځپاڼه د هیلری کلینټن په قول لیکی چی حقیقت دا دئ چی اکثره خلک اوس هم خبرونه د ټلویزیون او راډیو نه ترلاسه کوي. هغی وویل په داسی حال کی چی د انټرنیټی رسنئ په تقویه کولو بوخت یو همداسی باید زړی رسنۍ هم فعالی وساتو .

ورځپاڼه لیکی چی په افغانستان کی د تیلیغاتی جگړی د پرمخ بیولو لپاره د بهرنیو چارو د وزارت دا ډول هسکی ټیټی هلی ځلی په داسی حال کی کیږی چی د امریکی د پوځ لخوا د رسنیو په نوې ډول باندی زیات زور اچول شوئ ځکه چی د ورځپاڼی په قول هغوی ولیدل چی طالبانو د نویو رسنیو په کارولو سره بریالیتوب تر لاسه کړئ دئ.

جنرال جېمز متیس چی د مرکزي قوماندی مشری په غاړه لری په دی وروستیو وختونو کی د ورځپاڼی په قول کانگرس ته ویلی و چی طالبان د خپل جلب و جذب د پاره د انټرنت نه استفاده کوي.

ورځپاڼه لیکی چی جنرال جیمز متیس کانگرس ته ویلی چی مونږ کولای شو چی د هغوی انټرنیټی فعالیتونه مستقیمآ وڅاروو او په عمومی توگه مونږ د هغوی پروپاگند گډوډو او د جلب و جذب مخه یی نیسو ، مونږ دا ثابته کړی چی د طالبانو دا کار بیهوده دئ ، که په انټرنیټ کی تخریبی فعالیتونه روان وی نو مونږ کولای شو هغه په نښه کړو، او دا وښیو چی هغوی د انټرنیټ د پالیسیو نه سرغړونه کوي.

ورځپاڼه لیکی چی ځینی سیاسی ماهرین په دی نظر دي چی د طالبانو پروپاگنډ مؤثره دئ ځکه چی هغوی اساسآ د اُییتلاف د قواوو د هغو عملیاتو په اړه زیات تبلیغات کوی چی ملکی کسان پکی وژل کیږی.

همدا شان ورځپاڼه د جنرال متیس په قول لیکی چی د سینتکوم په نامه ویب پاڼه په عربی، فارسی، اردو او پښتو ژبو خلکو ته معلومات ورکوي، خو د ٢٠١٠ م کال د فبرورئ په میاشت کی د کلیفورنیا د یوی کمپنۍ سره د سنتکوم قرارداد لاسلیک شو، د دی قرارداد له مخی د دغی ویب پاڼی اختیار چی لس بیلابیلی نشریی پکی خپریږی په افغانستان کی به د پوځیانو لاس ته ولویږی.

په داسی حال کی چی په دی قرارداد باندی د خلکو لخوا ډیری نیوکی وشوې، خو جنرال متیز د ورځپاڼی په قول دی جرگه گۍ ته وویل چی د سینکوم د ویب پاڼی مدافع وکیلان وایی چی دا ډول چلند د قانون سره هیڅ ډول مغایرت نلري ، نن سبا حالات په بیړه بدلیږی او دا په پوځ پوری تړلي فعالیتونه دي . اوس نه شی کیدای چی دا فعالیتونه د امریکا غږ په شان ادارو پوری مربوط وي.

ورځپاڼه زیاتوی چی د تبلیغاتو د پاره د نویو طریقو نه په کار اخیستو سره تقریبآ دوه کاله مخکی په محلی سطحه د پوځ د تجربو مرکز په افغانستان کی د واړه کنډک د عملیاتو په نامه یو وړوکئ کتاب چاپ کړ ، د دی کتاب په یوه فصل کی په افغانستان کی یوه پخواني قوماندان لیکلی و چی په دی ډول شرایطو کی امکان نلری چی په ستراتیژیکو او تکتیکی برخو کی منظم پلانونه عملی شی، او د وړو گروپونو ډلگۍ مشران کولای شی د خپل قضاوت نه کار واخلی چی څنگه د محلی خلکو سره اړیکی وساتي.په دی واړه کتاب کی دا هم راغلی چی د ځینو غټو ښارونو په غیر د افغانستان په کلیو او بانډو کی د بی سوادۍ کچه ٩٥ فیصدو ته رسیږي.او د ورځپاڼی په قول په دی کتاب کی راغلي چی په کلیوالو کی سیاسی اندیشی نه دی ټوکیدلی او د محلی او ملی حکومت د ترکیب نه هغوی بی خبره دي.

ورځپاڼه همدا شان لیکی چی په دی کتاب کی راغلی چی افغانان د پیسو په ارزښت بالکل ښه پوهیږی او دا خبره چی که تشدد ختم شی نو د کلی سره به یی د پیسو مرسته وشی ، ډیره ښه نتیجه ورکوی .د وړو گروپونو مشران دی ته هڅول کیږی چی د اولسی خلکو سره تماس ولری ، ورسره وغږیږی او دا پیغامونه ورته ورکړي چی مونږ د تاسو سره مرسته کوو چی اقتصادی وضع مو ښه شي، د ماشومانو او ښځو روغتیای حالت ته توجه وشی او د افغان پوځ سره ملگری یو چی ستاسو امنیت وساتلئ شی او مونږ به دلته تر هغه د تاسو سره همکاره وو چی ایجاب وکړي، خو ورځپاڼه لیکی چی دا وړوکئ کتاب مسلمآ چی د دی نه مخکي لیکل شوئ ؤ چی د افغانستان نه به د امریکایی محاربوی قواوو د ایستلو لپاره د ٢٠١۴ م کال نیټه ټاکل کیږی.

XS
SM
MD
LG