شېلپي بترا په دهلي کې د "جامعه ملیه اسلامیه پوهنتون" څخه په ژورنالیزم کې ماسټري کړې ده او په کال ۲۰۲۳ کې یې د امریکاغږ ډېجیټل څانګې سره د ویډیویي راپورونو په تولید کې د همکارې په توګه کار پیل کړی دی.
په هند کې کوډ لیکل اوس وخت دولتي او وروسته پاتې سیمو ښوونځیو ته لار موندلې ده. پدغو ښوونځیو کې زده کوونکي په اته کلنۍ کې د کوډ لیکلو زده کړه پیلوي. د هند حکومت دا ګام د دې لپاره اخیستی چې د دولتي ښوونځیو زده کوونکي هم د خصوصي ښوونځیو زده کوونکو په څېر له مساوي فرصتونو څخه برخمن شي.
د هند په جیپور ښار کې د رنګریزۍ دودیز هنر لا هم ژوندی دی. سومیت کمار، چې دا هنر یې له کوچنیوالي له خپل پلار څخه زده کړی، اوس په پدغه ښار کې د رنګریزۍ د یوې کوچنۍ هټۍ چارې پرمخ وړي. په دې ویډیو کې، چې د امریکا غږ خبریالې شېلپي بترا را لیږلې، د سومیت کمار ورځنی کار او فعالیت انځور شوی دی.
جانکي لال، چې د هند په جيپور ښار کې یوه لاسي کراچۍ لري، هره ورځ له خپل کراچی سره کوڅه په کوڅه ګرځي چې خپلو مشتریانو ته تازه ترکارۍ ورسوي. په دې ویډیو کې، چې شیلپې بترا را استولې ده، د جانکي لال ورځنی کار او فعالیت انځور شوی دی.
د هند په جیپور ښار کې میشتې دغې پښتنې هندوې، بنبتي بابۍ خپله حافظه له لاسه ورکړې او ډیری وخت یې خپل نوم هم یاد نه وي خو وایي چې کله غاړې او ټپې پيلوي نو پخواني یادونه یې بیا تازه کیږي او ډېرې پخوانۍ ټپې وریادیږي او زمزمه کوي. شلپي بترا ترې دغه لنډه ویډیو اخیستې.
پدغه ویډیو کې چې د امریکاغږ همکارې، شېلپي بترا را لیږلې، د هند په جيپور ښار کې د کیک او کلچو په یو پلورنځی کې د کیک او کلچو د پخولو بهیر انځور شوی دی. ویل کېږي چې د دې پلورنځي د تازه پخو شویو کیک او کلچو خوږ بوی له لرې واټن څخه پیرودونکي ځانته راکاږي.
د اندونیزیا په بالي ټاپو کې د سمینیاک ساحل د سیلانیانو او "سرف وهونکو" لپاره ځانګړی شهرت لري. په دې سیمه کې د نانو په نوم یو ځوان هنرمند په خپله کوچني هټي کې د "سرفینګ" د لرګیو پر تختو په خاص مهارت سره حکاکي کوي.
په دې ویډیو کې، چې د امریکا غږ همکارې شېلپي بترا را لیږلې، په هند کې د "ګنګا آرتی" په نوم د مذهبي مراسمو ځینې برخې انځور شوي، چې هر ماښام د ځانګړې موسیقۍ او نڅا سره د ګنګا سیند پر غاړه ترسره کېږي.
په هند کې د نابینایانو لپاره د بریل په لېکدود د ځانګړو کتابونو چاپ ډېر محدود دی، خو د ټکنالوژۍ پرمختګ د دې کتابونو د چاپ فرصتونه زیات کړي دي. په دې ویډیو کې، چې د امریکا غږ همکارې شېلپي بترا چمتو کړې، د راجستان ایالت کې د بریل کتابونو د چاپ لړۍ انځور شوي.
"کوپی لواک" چې د نړۍ له مشهورو قهوو څخه ګڼل کېږي، د اندونیزیا د باتور اورغورځونکو غرونو ته څېرمه کروندو څخه ترلاسه کیږي. په دې ویډیو کې، چې د امریکا غږ همکارې شیلپی بترا رالېږلې ده، د دې قهوې د تولید بهیر انځور شوی دی.
د هند د راجستان ایالت په بیکانر ښارګوټي کې د لاسي صنایعو په یوې کوچنۍ کارخونې کې د هویت کارتونو لپاره له ځانګړو ټوکرانو څخه پوښونه جوړېږي. د امریکا غږ همکارې، شیلپي بترا په دې اړه یوه ويډیو رالیږلې چې پکې د کارخونې د کاریګرو ورځنی فعالیت او د هویت کارتونو د پوښونو د جوړولو بهیر انځور شوی.
د اندونیزیا د نوسا لمبونګن ټاپو د "سویډ" په نوم د یو ډول سمندري بوټو د کرکیلې له امله ځانګړی شهرت لري. د دې سیمې اوسیدونکي د خپلې ورځني عاید لپاره دغه بوټي کري. د دې بوټو د کرلو، پاللو او وچولو بهیر په دې ویډیو کې وګورئ چې د امریکا غږ همکارې، شیلپي بترا را لیږلې ده.
که څه هم په هند کې د ټکنالوژۍ په پرمختګ سره د ټوکرانو د رنګولو طریقه بدله شوې، خو 'خوشي رام' په خپله کوچنۍ کارخونه کې لا هم په دودیزه بڼه د ټوکرانو د رنګولو چارې پر مخ وړي.
فرانسوي هنرمندانو د هند په یو مشهور تیاتر کې د انیمیشن او په ژوندۍ بڼه د یو تخلیقي ترکیب (انټي چمبر) ننداره وړاندې کړه. په دغه ننداره کې یادو هنرمندانو د کاغذ، سکرو او رنګونو و په کارولو سره په ژوندۍ بڼه د ځانګړو انځورونو د رسمولو بهیر نندارې ته وړاندې کړل.
هند کې د "جین" ټولنه، سپتمبر د بخښنې د میاشتې په توګه نمانځي. د دې ټولنې غړي په دې میاشتې کې راټولېږي، سپینې جامې چې د سولې نښه ده، اغوندي او ولسي سندرې چې مذهبي اړخ هم لري، وايي. جینیزم په هند کې یو له پخوانیو مذهبونو څخه ګڼل کېږي.
په هند کې د کوچیانو یوشمېر کورنۍ هر کال د سپتمبر په میاشت کې له ګجرات څخه راجستان ته د "دوشیرا" جشن لپاره سفر کوي. دغه کورنۍ شاوخوا یوه میاشت په راجستان کې د واټونو ترڅنګ ژوند کوي او په دې موده کې دوی د لرګیو څخه د لوبو توکو په جوړولو بوخت وي، ترڅو د جشن په لومړۍ ورځ یې وپلوري.
په هند کې یو ځانګړی مرکز د هغو ماشومانو لپاره چې نابینا یا د سترګو لید یې کمزوری وي، د بریل لیکدود او د ژوند مهارتونو د زده کړې فرصتونه برابر کړي دي.
د هند د راجستان ایالت د اجمیر ښار په یو بوخت سړک کې یو نسبي نابینا، سریش په ډیر مهارت له وچو وښو څخه د لوبو سامانونه اوبدي. سریش نه یواځې په دغه کار سره خپل لګښت برابروي بلکې داسې یو دودیز هنر یې ژوندی ساتلی چې د ورکېدو له خطر سره مخ دی. شلپي بترا- امریکاغږ
کټپوتالي نڅا چې په هند کې د نانځوکو نڅا په نوم پیژندل کیږي، ګڼ شمېر مینه وال لري.دا نڅاګانې چې کوربانه یې په ترسره کولو کې زیات مهارت لري، د سیمې د خلکو کیسې او په زړه پورې کرکټرونه د نڅا په قالب کې وړاندې کوي. نانځکې هم د همدې کیسو د کرکټرونو په بڼه جوړېږي او نڅا د محلي سندرو سره یوځای ترسره کیږي.
د هند په ډېرو کلیوالو سیمو کې پاکو اوبو ته لاسرسی یوه لویه ستونزه ده. خو نوید خان د اوبو پمپونو په جوړولو سره دا ستونزه په یو فرصت بدله کړې ده. د دې پمپونو جوړول نه یوازې د کورنیو د څښاک اوبو اړتیاوې پوره کوي، بلکې له کروندګرو سره د کروندو په خړوبولو کې هم مرسته کوي.
د افغانستان وچه مېوه په هند کې ښه او تود بازار لري. امان خان چې د هند د حیدراباد په ښار کې د افغانستان د وچې مېوې په سوداګرۍ بوخت دی، وایي له خپل کار څخه خوښ دی، خو د طالبانو د واکمنۍ وروسته د افغانستان او هند ترمنځ سوداګریزې ستونزې ډېرې شوې دي.
نور پورته کول
