د لاس رسي وړ اتصالات

د اوکراین دوه جت الوتکې غورځول شوي دي


د اوکراین د دفاع وزارت وايي، د دغه هېواد دوه جنگي الوتکې د اوکراین په ختیځ د سوور موگیله په سیمه کې ویشتل شوي دی، خو تراوسه نور جزیات ندي پډاگه شوي.

په ورته وخت کې د د مالیزیایي د غورځول شوې الوتکې د ځنیو قربانیانو جسدونه نن د اوکراین د پلازمېنې، کیف له هوایي ډگر څخه په یوه پوځي الوتکه کې هالند ته انتقال شول.

د لږ تر لږه ٥٠ مړيو پوځي الوتکه نن د ځانگړو مراسمو په ترڅ له کیف څخه د هالند په لور پرواز وکړ. د مالیزیا د الوتکې پدې پېښه کې ټول ٢٩٨ تنه ووژل شول چې اکثریت یې د هالند وگړي وو. د هالند حکومت نن په ټول هېواد کې د ملي ماتم اعلان هم وکړ.

پدې پېښه کې د هالند د وگرو ترڅنگ ٢٨ استرالیایي وگړي هم سپاره وو چې د استرالیا صدراعظم توني ابات د خواشینۍ په څرگندولو سره ووېل، دا تراوسه جوته نده چې ددې غورځول شوې الوتکې په پېښه کې څومره مړي د پېښې له ځایه ایستل شوي دي خو ژمنه یې کړې چې د پېښې ټول استرالیایي قربانیان به خپل هېواد ته انتقال شي.

ښاغلی ابات وایي " تر اوسه پورې کارونه په غیر مسلکي ډول پرمخ تللي دي. د امکان تر حده، که چېرې په سیمه کې استرالیایي قربانیان پاتې وي، موږ د هغوی کورنیو ته ژمنه کوو چې د هغوی د جسدونو د ژغورلو لپاره به بې حده هڅې وکړو."

امریکایي چارواکي وایي، د مالیزیا دا الوتکه کیدایشي د یوه میزایل په مرسته ویشتل شوي وي چې په اوکراین کې د روسیې پلوه بېلتوون غوښتونکو تر ولکې لاندې سیمه کې وغورځېدله.

پداسې حال کې چې د اروپایي ټولنې د بهرنیو چارو وزیرانو د روسیې پر وړاندې بندیزونه سخت کړي دي، د امریکا د متحده ایالتونو د کانگرس دواړه جمهوري غوښتوونکي او دموکراتان وایي، واشنگټن او بروکسل باید د روسیې پر ټول اقتصادي سکتور باندې سخت بندیزونه ولگوي ترڅو مسکو دې ته مجبوره کړي چې په اوکراین کې د مداخلې څخه لاس په سر شي.

د امریکا د متحده ایالتونو یو تن جمهوري غوښتوونکی سناتور دن کوتس وایي د متمدنې نړۍ خلک باید د روسیې تولیدات او صادرات رد کړي " زه وړاندیز کوم چې موږ باید هر هغه ضروري گامونه واخلو چې وشي کړای د روسیې اقتصاد په گوڼډو کړي. موږ اړتیا لرو چې د روسیې د اسهامو د بازار د سقوط شاهدان واوسو. موږ باید د هغه اطمینان او ملاتړ شاهدان واوسو چې د نړۍ متمدنه خلک د روسیې تولید او صادرات رد کړي."

واشنگټن او اوکراین پر روسیه تور لگوي چې روسیه په اوکراین کې روسیه پلوه یاغیانو ته میزایلوونه ورکوي

XS
SM
MD
LG