د طالبانو حکومت ویاند ذبیح الله مجاهد د پکتیکا او خوست د ولایتونو په دوو ولسوالیو باندې د پاکستاني هوايي ځواکونو د الوتکو د تیرې شپې بمبارۍ په سختو ټکو غندلي او د پاکستان د پوځ دغه اقدام یې د افغانستان په خاوره تیری بللی دی.
افغانستان لپاره د پاکستان ځانګړي استازي اصف دراني په افغانستان کې د تحریک طالبان پاکستان "ټي ټي پي" د ډلې د میشتو وسله والو شمیر تر شپږ زرو تنو ښودلی او ادعا یې کړې چې داسې شواهد په لاس کې لري چې دا ښيي دا ډله د افغانانو په وسیله د هند څخه پیسې ترلاسه کوي.
په افغانستان کې د یو بل کال لپاره د ملګرو ملتونو د مرستندویه پلاوي دفتر"یوناما" د ماموریت د غځیدو د پریکړې د اعلان وروسته د طالبانو حکومت ددې پریکړې څخه د هرکلي په ترڅ کې له یوناما غوښتي چې په ښه ډول دې استازیتوب وکړي او افغانستان دې نړۍ سره ونښلوي.
اروپايي ټولنې پارلمان په افغانستان کې د ښځو پر وړاندې د تاوتریخوالي په زیاتیدو او په عام محضر کې تورونو ته د اعدام د سزا په ورکولو باندې ژوره اندیښنه ښودلې او له طالبانو یې د اعدام د سزا د بندیدو او ښځو، همجنسګرایانو، قومي او مذهبي اقلیتونو پر وړاندې د توپیري چلند پای ته رسیدو غوښتنه کړې ده.
د بې پولې راپور ورکوونکو سازمان (RSF) په افغانستان کې د طالبانو د حکومت له خوا په رسنیو او خبریالانو باندې د محدودیتونو په زیاتیدو اندیښنه ښودلې او ویلي دي چې رسنیو ته د طالبانو په لارښوونو کې په ځانګړي ډول ښځینه خبریالانې په نښه شوي دي.
د ملګروملتونو د ښځو د چارو اجرائیوي رئیسې سیما بحوث د سه شنبې په ورځ مارچ ۱۲ (کب ۲۲) د افغان میرمنو د استازو سره د کتنې وروسته د افغانستان په تړاو په ټولو پریکړو کې ښځو په ګډون د ټینګار په ترڅ کې ویلي چې دا هیواد لا هم د ښځو د حقونو په برخه کې د یو ژور بحران سره مخ دی
د قطر په پایتخت دوحه کې افغانستان لپاره د امریکا شارژدافیرې کرن ډیکر وايي چې د ملګرو ملتونواو مرسته کوونکو ادارو په ملتیا په افغانستان کې د بشري مرستو د اغیزمنتیا لپاره د مرستې رسونې د بهیر ارزونه کوي.
د ملګرو ملتونو عمومي منشي انټونیو ګوتیریش د روژې میاشتې په مناسبت په یو پیغام کې ویلي چې د افغانستان او یو شمیر نورو هیوادونو د وګړو په هکله اندیښنه لري.
د امریکا د متحده ایالاتو د استازو مجلس کانګرس د بهرنیو اړیکو کمیټې یوځل بیا طالبانو سره د هرډول شرایطو لاندې د تعامل رد کړی دی.
د طالبانو د حکومت د بهرنیو چارو وزارت د ملګروملتونو امنیت شورا ته ددغې ټولنې د عمومي منشي انتونیو ګوتیرش راپور او افغانستان لپاره د هغه د ځانګړې استازې روزا اوتنبایووا وروستیو څرګندونو ته تند غبرګون ښودلی په ځانګړي دول یې د امنیتي مسایلو په اړه د هغوی څرګندونې ردې کړي دي.
د ملګرو ملتونو مرستندویه پلاوي دفتر "یوناما" مارچ اتمې ښځو سره د پیوستون د نړیوالې ورځې په مناسبت په یوه اعلامیه کې پر افغان میرمنو باندې د طالبانوله خوا د لګیدلو محدودیتونو د پایلو په اړه خبرداری ورکړی او ویلي دي که دا محدویتونه لیرې نشي نو افغانستان به د لا زیاتې بې وزلۍ او انزوا له خطر سره مخ شي.
افغانستان لپاره د ملګرو ملتونو د عمومي منشي ځانګړې استازې او د یوناما مشره روزوا اوتنبایوا وايي په نړیوال سیستم کې د افغانستان بشپړ ادغام د طالبانو له خوا خپلو نړیوالو مکلفیتونواو ژمنو ترڅنګ بشري حقونو په ځانګړي ډول د ښځو او نجونو او د قومي او مذهبي اقلیتونو حقونو ته د درناوي غوښتنه کوي.
نور پورته کول