شااو خوا شپارلس ورځې مخکې د کابل ښار د زمبق څلورلاره کې د ټانکر بم چاودنې له ١٥٠ څخه ډير کسان ووژل او سلگونه نور يي ټپيان کړل.
یو شمېر کابل ښاریانو د دغې حملې د غندلو په غبرګون مظاهره وکړه چې په تاوتریخوالي واوښته او څو تنه پکې ووژل.
د افغانستان لویې څارنوالۍ د پېښو د پلټنو لپاره د کابل امنیه قوماندان حسن شاه فروغ او د کابل ګارنېزیون قوماندان ګل نبي احمدزي دندې وځنډولې.
د کابل گارنيزون قوماندان گل نبي احمدزي امريکا غږ سره په مرکه کې وويل د وطنوالو هری پوښتنې ځواب ويلو ته حاضر دی او ټولې کړنې يی د قانون په چوکاټ کې تر سره کړي.
جنرال احمدزی چې اوس يي دنده ځنډول شوې په کابل کې د وروستيو خونړيو پيښو يو لامل په ښارکې د غير مسوول مسلح افرادو شتون گڼي.
جنرال گل نبي احمدزي سره د نوشابې اشنا بشپړه مرکه دلته اوريدلائ شئ :