د لاس رسي وړ اتصالات

د اسلام د پیغمبر په خلاف د خپرو شویو کارتونونو په ضد سوله ایزه مظاهره


د شلو زرو نه زیات ملاتړ کونکی چی د اسلامی بیلابیلو ډلو غړی دی په پاکستان کی سره را ټول شو ل او د اسلام د پیغمبر په خلاف د خپرو شویو کارتونونو په ضد یی سوله ایزه مظاهره وکړه.

مظاهره کونکو د پاکستان پر حکومت باندی تور ولگاوه چی د غربی نړی سره ددی مسلی په ارتباط د نرمی نه کار اخلی.

د اسلام د پیغمبر په خلاف دا کارتونونه د لومړی ځل دپاره تیر کال په یوه دنمارکی ورځپاڼه کی خپاره شوی و.

د جمعی د ورځی دا مظاهره د حافظ محمد سعید په مشری چی د د جماعت ال دعوت د ډلی مشر دی جوړه شوه ښاغلی سعید د د لشکر طیبه د تندروی اسلامی ډلی چی پرویز مشرف څلور کاله پخوا د تندروی د را کمولو په خاطر منع اعلان کړی وه، پخوانی مشر و . د هماغه وخته را هیسی ښاغلی سعید د جماعت ال دعوت په نوم دا نوی ډله چی معمولاً د اسلام د دین په باب تبلیغات کوی ، د هدیرو او طبی مرکزونو په برخه کی کار کوی ، جوړه کړه.

د کارتونونو په خلاف مظاهری په پاکستان کی اوس کمی شوی دی خو تندروه اسلامی بنیاد گرا دا جنجالی مسله بیا بیا یادوی تر څو خلک د جمهور ریس پرویز مشرف په خلاف په قهر کی او را ویی پاروی. او د اسلام د پیغمبر په خلاف د خپرو شویو کارتونونو په ضد یی سوله ایزه مظاهره

XS
SM
MD
LG