افغان پولیسو ویلی دي چی وسله والو سړیو اته تنه ملکي افغانان چی په یوه گوښه سیمه کی یې د امریکا په یوه نظامي اډه کی کار کاوه وژلي دي. مقامات وایی چی دغو وسله والو کسانو په هغه موټر باندی پرون پټه حمله وکړه چی دغه کرگران د کنړ په ولایت کی د کورنگال په غرنۍ سیمه کی د امریکا د یوې نظامي اډې نه را ستانه سوي وو .
د افغانستان په نورو سیمو کی هم یو لړ حملې سوي دي . پولیس وایی چی نن د خوست ښار ته نژدې د افغان پوځ د موټرو قطار ته یوه ځان مرگي د بم په چاودنه کی ځان والوځاوه ، پنځه عسکر او درې ملکي خلک یې زخمیان کړل .
په عین حال کی کاناډا په ناتو کی په خپلو متحدینو باندی فشار اچولی چی خپلي قواوي دي چی همدا اوس په افغانستان کی دي د هغه ملک جنوبي سیمو ته چی قوماندانان وایی جگړې په کی د توقع خلاف سختي سوي دي ، واستوی .