ښاعلی بوش نن په سپینه ماڼی کې په خپلی وینا کی په یودیرش سودانی کمپنیو باندی د امریکا سره د تجارتی اړیکو په درلودلو له د بندیز اعلان وکړ.
ښاغلی بوش همدا رنگه د ملگرو ملتونو د امنیت په شورا غږ وکړ چی سودان ته د وسلو د لیږلو بندیز پراخ کړی شی.
ښاغلی بوش د نړیوالی ټولنی نه وغوښتل چی د دارفور په سیمه کی د روانی عامه وژنی پرخلاف راپورته شی.
ده همداشان د سودان جمهور رییس عمر ال بشیر لدی امله تورن کړ چی د دارفور په سیمه کی د سولی په راوستو کی خنډ اچوی، او سیمی ته د ملگرو ملتونو د سولی ساتونکو قواوو ته د اجازی ورکولو په هکله خپلی ژمنی نه عملی کوی.