کله چی د اسلام اباد له لال جومات نه بهر ډزی شروع شوې نو ېې غږ تر لری لری ځاى پورې اورېدل کېده. د پاکستان د کورنیو چارو وزیر افتاب احمد خان شېرپاو وایی چی دا نښته د مدرسی د طالبانو لخوا پېل شوه.
هغه په دې با ب داسى وايي : "پولیس لگیا وو چی د جومات نه بهر مظاهره چېان د اوښکی بهونکي گاز په زور تیت و پرک کړی . په دې وخت کې د مظاهره کونکو د له جملى نه نا څاپه پر پولیسانو باندى ډزی شروع شوی او یو عسکر پکی ژوبل شو."
اوس امنیتی مامورانو لال مسجد محاصره کړیدی خو حکومتی چارواکي وایی چی دوی نه غواړى له دېنه لوى جنجال نه جوړ شى.
د لال مسجد ملایانو په اسلام کی د اسلامی قانون د نافذولو اعلانونه کړیدی په دی نیزدې وختو کی د دی جومات شاگردانو یو شمیر پولیسان برمته کړی وو او د فحاشئ د یو مرکز نه یی یو څو ښځی هم برمته کړی وی.
په داسی حال کی چی د اسلام اباد د لال جومات خوا ته د جنگ مېدان لیدل کیده. د جومات په لاوډ سپیکر کې د اسی اعلان واوریدل شو چی ځوانانو راپاڅئ او ځانونه ووژنئ، یعنی ځان مرگي حملی وکړئ.