په کابل کی د سولي جرگه چی څلور ورځي به دوام وکړی شروع شوې ده. په دې جرگه کی په سلهاو افغان او پاکستاني سیاسي او قبایلي مشرانو برخه اخیستې ده.
د افغانستان جمهوررئیس حامد کرزي نن ددې جرگې په افتتاحیه وینا کی د تروریزم سره په جگړه کی ددغو دواړو هیوادو تر منځ همکاري وغوښته.
ددې جرگې هدف دادی چی د طالبانو د طرفدارو یاغیانو د فعالیتونو مخنیوی وشی چی د سرحد په دواړو خواو کی حملې کوی.
افغانستان او پاکستان چی روابط یې زیات خړپړ شوي دي، د دې نا آرامیو ملامتي په یو بل باندی اچوی.
د پاکستان جمهوررئیس پرویز مشرف نا څاپي اعلان وکړ چی په دې جرگه کی به چی د امریکا په ملاتړ جوړه شوې گډون ونه کړی او ویې ویل چی ځینث نور داخلي مصروفیتونه لری.
د هغه پر ځای د پاکستان صدراعظم شوکت عزیز دې جرگې ته ورغلی دی.
د امریکا د بهرنیو چارو د وزارت یوه نطاق ( شان میک کور میک) وویل چی امریکا د ښاغلي مشرف په دې فیصلې پوهیږی، مگر هغه نور تفصیلات ورنه کړل.