د نړۍ مشرانو هغه حملې غندلي دي چی په کراچي کی د پاکستان د پخوانۍ صدراعظمي بېنظیر بوتو د موټرو کتار ته وشوې.
د امریکا د ملی امنیت د شورا یوه نطاق ( گورډن جانډرو) وویل چی امریکا د بیگناهو انسانانو په وژلو ویرجنه ده، خو تندروان به پاکستانیان له دینه منع نه کړی چی د آزاد او دیموکراتیک جریان له لاري خپل آستازي انتخابوي.
له بلي خوا د امریکا د بهرنیو چارو وزارت ویلي دی چی واشنگټن د پاکستان د خلکو سره ولاړ دی او دا یې هم ویلي دي چی هیڅ داسی سیاسی داعیه نه شته چی هغه دي د بیگناهو خلکو وژل روا وبولي.
د هند دبهرنیو چارو د وزارت یوه نطاق دا حمله « د شرم او خجالت وړ » وبلله او ویې ویل چی د تروریزم توره پرده چی په دې سیمي باندی غوړیدلې ده د سیمي د ټولو حکومتونو له خوا « قوی او قاطع » اقداماتو ته ضرورت لری.
چین او اروپایی اتحاد هم د بمونو دغه مرگانۍ چاودني وغندلې. د ملگرو ملتو عمومي منشی ( ان کی مون ) ددې خبر په اوریدو سره ټکان وخوړ او د وژل شوو کسانو کورنیو ته یې خپله خواخوږي څرگنده کړه.
د میرمن بوتو میړه آصف علي زرداری په دوبئ کی د پاکستان د استخباراتو په ادارې باند تور ولگاوه چی په دې حملو کی یې لاس درلود.