دپاکستان نظامی ماموران وائې، یوشمیر کسان ئې دجمعی دورځی دځانمرگی حملی په ارتباط چې په نا ارامه صوبه سرحد کې په یو جومات کې شوی وه، نیولی دی . په دغه چاودنه کې لږترلږه پنځوس تنه وژل شویدی . داسی ښکاری چې ددغې حملی هدف دکورنیو چارو پخوانی وزیر شیرپاو و. له دغې حملی نه ښاغلې شېرپاوبچ شویدی مگر دهغه زوی او په لسگونو نورکسان پکی زخمیان شویدی . امنیتی مامورانو چې نه غواړی نومونه ئې یادشی خبریالانوته وویل، په نیول شوو کسانو کې لږترلږه یو مجرم شامل دی او ددوهم کس پیسی لټون روان دی . دوی وائې، تحقیق کونکی کالی، بوټان او دځانمرگی جداشوی اندامونه معاینه کوی چې هویت ئې معلوم کړی . دپاکستان جمهوررئیس دغه حمله وغندله او امنیتی او استخباراتی ادارو ته ئې هدایت کړیدی چې ددغی حملی مسؤل کسان ونیسی . ملگرو ملتونو او امریکا هغه ځانمرگی حمله غندلې دی چې دجمعی په ورځ په جومات کې شوی وه .