په ایران کې غیر رسمی نتیجی ښئ چې محافظه کار د جمعی د ورځی د پارلمانی انتخاباتو په رایه شمیرلو کې مخکې دی.
د کورنیو چارو وزیر مصطفئ پور محمدی وائې، محافظه کار کاندیدانو تر اوسه پوری یو اویا فیصده څوکې گټلی دی.
توقع ده چې قدرت د ایران د محافظه کارې ډلې په لاس کې پاتی شی، دوه محافظه کاری ډلې دپارلمان ٢٩٠ څوکیو لپاره مبارزه کوی.
د حکومت ماموران وائې، ۴۴ میلونه ایرانیان د رایه د ورکولو مستحق وو چې له دوی نه ( ٦٥ ) فیصدوئې رایه ورکړیده.
د ایران شورا نگهبان ډیر اصلاح غوښتونکی په انتخاباتو کې د برخی اخیستلونه بی برخی کړیدی. اصلاح غوښتونکو د ۴٥٠٠ کاندیدانونه یوازی کسان کاندید کړی وو.
مگر د ائتلاف نطاق وائې، دغه انتخابات کامیاب وځکه چې اصلاح غوښتونکو ٣۴ څوکې گټلی دی او توقع ده چې ١٥ نوری وگټی.
له دغو محافظه کارو ډلونه یوه ئې د سخت دریځه جمهور رئیس محمود احمدی نژاد سره ارتباط لری.
بله ډله ئې غواړی چې د جنجالی اتمی پروگرام په باره کې د لویدیځ سره اعتدال غوښتونکی دریځ غوره کړی او کیدای شی چې د احمدی نژاد په اقتصادی پالیسی باندی اعتراض وکړی.
په ایران کې انفلاسیون، بی کاری او دتیلو کمبود دوام لری. د امریکا د بهرنیو چارو وزارت وائې، په انتخاباتو کې ټگی برگی شویده ځکه چې رایه ورکونکو گڼ شمیر کاندیدانو ته رایه نشوی ورکولای.
ماموران وائې، د اخری نتیجو اعلانول به ورځی ونیسی.