د برما نظامي مقاماتو پر ځان باندې هغه نړیوال فشارونه رد کړي چې غواړي نړیوالو مرسته کوونکو ته دې اجازه ورکړي چې د برما طوفان ځپلو ته مرستې ورسوي.
د ”ماینمار نوې رڼا” په نامه د برما یوې رسمي جریدې نن په خپلې یوې مقالې کې د د سمندري قواوو د ډگرجنرال سو تین له خولې لیکلي چې برما لا تر اوسه ماهرو مرسته رسوونکو ته اړتیا نلري.
دغه ډگرجنرال ویلي، له خپلو امکاناتو سره سم یې د نرگس په نامه د موسمي طوفان ځپلو ضرورتونه ور پوره کړي دي.
نړیوالې ټولنې لا له وړاندې له طوفان ځپلو سره د برما د نظامي حکومت د عکس العمل په اړه ژوره اندیښنه څرگنده کړې ده.
د برما حکومت په هغه ملک کې د موسمي طوفان یوه هفته وروسته تائید کړه چې ٣١ زره او ٩٠٠ کسان مړه شوي او ٣٠ زره نور لادرکه دي. ملگري ملتونه وايي، په برما کې دوه میلیونه انسانان د عاجلو مرستو انتظار باسي.