د امریکا انکشافي ادارې د افغانستان د حکومت تر نظر لاندی خپله لومړنۍ پروژه نن د جمهور رئیس حامد کرزی په وړاندې په داسې حال کې لاس لیک کړه چې د محلي ادارې استازی هم هلته موجود و.
د امریکا انکشافي ادارې څلورنوي اعشاریه شپږ ملیون ډالره د محلی ارگانونو د ستراتیژیک پلان سره سم ددې ارگانونو پر پراختیا او ودې لگوي.
له دې لارې به شپږ پنځوس اعشاریه شپږ ملیون ډالره د محلي حاکمیت پر پیاوړتیا، پنځه ملیونه د ختیځ او جنوبي حوزو پر وړتیا، شل ملیونه ډالر به پر ښاری پروژو او دیارلس ملیونه ډالر به د کاري ظرفیتونو پر لوړولو مصرف شي.