د لاس رسي وړ اتصالات

صوبه سرحد کې زلزله شوې


یوې نسبتاً کمزوري زلزلې د پاکستان شمال لویدیځې برخې لړزولي دي. تر اوسه ددغه زلزلې له آمله د اوښتو تلفاتو او زیانونو رپوټ ندی خپور شوی.

دغه زلزله د ریختر په اندازه پنځه اعشاریه درې درجې وه چې نن د جمعې په ورځ یې د صوبه سرحد شمال لویدیځې برخې ولړزولې. د پیښور، چترال او همدارنگه د اسلام آباد اوسېدونکو ویلي چې دغه زلزله یې احساس کړې ده.

د پاکستان د هوا پوهنې د ادارې چارواکو ویلي چې ددغه زلزلې مرکز له پیښور نه ٣٠٠ کیلو متره لرې د هندوکش په غرونو کې و.

تر اوسه د جدي تلفاتو او زیانونو رپوټ ندی راغلی.

XS
SM
MD
LG