د امریکا اردو وایی چی د افغانستان په ختیځ کی د یوه ځان مرگه په حمله کی چی د ائتلافي قواو د موټرو په یوه کتار باندی یې وکړه یو امریکایي عسکر او لس ملکي خلک وژل شوي دي.
افغان مامورین وایی چی په دې حمله کی چی نن د پنجشنبې په ورځ د جلال آباد ښار ته نژدې وشوه، تقریبا ٧٠ تنه زخمي شوي هم دي.
مگر د امریکا اردو وایی چی د زخمیانو شمیر ٥٨ تنه وو.
محلي منابع وایی چی ځان مرگه د بټي کوټ په ولسوالي کی خپل موټر بم د موټرو د کتار پر خوا چی د یوه گڼ مارکیټ څنگ ته تیریده وروست او ویې چاوه.
تر اوسه چا څه نه دي ویلي چی دا حمله چا کړیده. خو زیاتره داسی حملې د یاغي طالبانو له خوا کیږی.
له بلي خوا د برتانیې ددفاع وزارت ویلي دي چی دوه عسکر یې د افغانستان په جنوب کی وژل شوي دي.
دغه وزارت وویل چی عسکرو یې پرون د افغان امنیتي قواو سره گزمه کوله چی موټر یې په بم برابر سو.