د م م چارواکي وایې د کانگو د دیموکرات جمهوریت په ختیځ کې نن د یکشنبې په ورځ درنه جگړه رامنځ ته شوه.
دا جگړه یوازی یو ساعت مخکې ترهغې چې د کانگو ختیځ ته د م م خاص استازې د نایجیریا پخوانې جمهور رئیس اولوسیگان اباسانجو پلان کړې و چې د کانگو د مهم یاغي رهبر لورنت نکوندا سره لیدنه وکړي.
سمدستي معلومه نشوه چې کومه وسله واله ډله د نیکیدو په جگړه کې ښکیله وه. یاغیان او حکومت پلوئ وسله والې ملیشې په سیمه کې په جگړه اخته دي.
د م م استازي د شنبې په ورځ د جمهور رئیس جوزیف کابیلا سره لیدلي وو او وی ویل چې جمهور رئیس د یاغیانو سره د خبرو هیڅ ډول پلان ندې ترتیب کړې.
په دی سیمه کې د حکومت او یاغیانو ترمنځ جگړه د اگست میاشتې رادیخوا سخته توده شوی ده.