د تروریزم ضد یو امریکایی مامور وایی چی د سي آی اې د توغوندي په یوه حمله کی چی د میلادي نوي کال په اوله یې وکړه په پاکستان کی د القاعدې د عملیاتو مشر او د هغه یو همکار وژل شوي دي .
دغه مامور چی نوم یې نه دی اخیستی وویل چی داسی فکر کوی چی دغه دواړه د کینیا اتباع وو .
دغه دوه تنه چی یو اسامه الکیني نومیده او بل شیخ احمد سالم سویدان و ،
دواړه د امریکا د فیډرالي تحقیقاتو د ادارې یا ایف بي آی د مشکوکو تروریستانو د لیست په سر کی وو .
په اسامه الکیني باندی د څو حملو تورونه لگیدلي وو چی یوه یې د سیپټامبر په میاشت کی په اسلام آباد کی د میریات په هوټل کی د بمونو چاودل وو چی څه د پاسه ٥٠ تنه یې ووژل ،
هغه او سویدا ن په ١٩٩٨ کال کی په کینیا او تانزانیا کی د امریکا په سفارتونو باندي د حملو مسئول هم وو
د تروریزم ضد دغه مامور وویل چی دغه دوه تنه په جنوبي وزیرستان کی په داسی حال ووژل سول چی د نوو حملو تریبات یې نیول .
سي آی اې په دې رپوټ باندي د تبصرې کولو نه ډډه وکړه .