د لاس رسي وړ اتصالات

احمد ولي : له سي آی اې مې معاش نه اخیسته


د افغانستان د جمهور رئیس حامد کرزي ورور احمد ولی کرزي په یوه امريکايي ورځپاڼه کې خپاره شوي هغه اطلاعات رد کړي دي چې وايې د امریکې د مرکزي استخباراتو د ادارې (سي ایې اې) نه معاش اخلي.

احمد ولي وويل کوم راپور چې د نیویارک ټایمز په ورځپاڼه کې په دې اړه چاپ شوی دی درست نه دی.

نیویارک ټایمز وايې چې احمد ولي کرزی چې ویل کیږی د مخدره موادو په قاچاق او تجارت کې لاس لري، د سي آی اې تر مشرئ لاندې د افغانانو نه جوړې یوې ملیشی لپاره د کسانو د پیدا کولو او د (سي آی اې) د جاسوسانو لپاره د پټو ځایونو د برابرولو په بدل کې دغه پیسې ورکول کیدلې.

د نیویارک ټایمز ورځپاڼې نن د احمد ولی کرزي له قوله راپور ورکړ چې نه د پوډرو په قاچاق او تجارت کې ککړ دی او نه یې د سی آی اې سره د ملیشو په جوړولو کې مرسته کړې ده.

امریکايي مقامات وايي چې د مخدره موادو نه طالبان په روان جنگ کې ډیره گټه اخلي.

خو احمد ولي اعتراف وکړ چې په افغانستان کې یې امریکایې استخباراتو ته وړیا معلومات ورکول.

XS
SM
MD
LG