په مسکو کې چارواکي وایي، چې نن د پنجشنبې په ورځ( اګسټ ۱۵مه) یوې روسۍ مسافر وړونکې الوتکې په هوا کې د مارغانو له یو سیل سره له جنګېدو ورسته بیړنۍ ناسته کړې ده.
د دې پیښې پر مهال په الوتکه کې د اوو تنو عملې سربیره ۲۲۶ مسافرسپاره وو.
په دغې پېښه کې۲۳ مسافر ټپيان شوي او د الوتکې د الوتنې موټرونه هم له کاره لویدلي دي.
په ټپیانو کې پنځه ماشومان هم شامل دي.
چارواکي وايی، ټول ټپیان یې روغتون ته انتقال کړي دي.
دا الوتکه نن د مسکو د ژوکوسکي له هوايي ډګر څخه الوتلې وه.
چارواکي وايي، د مارغانو له سیل سره د الوتکې له ټکر وروسته د دغې الوتکې پیلوټانو الوتکه د هوايي ډګر په یو کیلو مېترو کې د غنمو په یو پټې کې په بیړني ډول ښکته کړه.
کرملین اعلان کړی دی، چې د دغې الوتکې پيلوټانو ته به دولتي مډالونه ورکړي.
د کرملین یو ویاند په دغه پیښه کې د انسانانو د ژوند د ژغورنې له کبله د الوتکې پیلوټانو ته مبارکي ورکړې ده.