د لاس رسي وړ اتصالات

پر ټاکنو یو شمير څارونکي د رایو پاڼو په چاپ اندیښمن دي


ولایتونو ته به د رایو پاڼو د لیږد بهیر د سنبلې د میاشتې په اتمه پیل شي.
ولایتونو ته به د رایو پاڼو د لیږد بهیر د سنبلې د میاشتې په اتمه پیل شي.

د ټاکنو خپلواک کمیسیون چارواکي وايي، دغه کمیسیون د تلې د شپږمې ورځې د جمهوري ریاست د ټاکنو لپاره یوولس میلیونه او درې سوه زره د رایو پاڼې چاپ کړي.

د کمیسیون مرستیال ویاند عبدالغزیز ابراهیمي امریکا غږ اشنا راډیو ته وویل،

ولایتونو ته به د رایو پاڼو د لیږد بهیر د سنبلې د میاشتې په اتمه پیل شي.

د ابراهیمي په وینا د رایو پاڼې به د رایې ورکوونکو د لیست له مخې په هر محل او هر مرکز کې د رایې ورکوونکو د اړتیا پر اساس واستول شي.

د ټاکنو څار ادارې بیا په زیات شمیر د رايو پاڼو په چاپولو اندیښنه ښودلې او وايي، چې د ټاکنو خپلواک کمیسیون باید په دې برخه کې خلکو ته د شفافیت ډاډ ورکړي.

د ازادو او عادلانه ټاکنو د څار د ادارې اجرائیوي رئیس یوسف رشید امریکا غږ اشنا راډیو ته وویل د ټاکنو کمیسیون له خوا چاپ شوې د رایو پاڼې د رایې ورکوونکو د شمیر څخه شاوخوا ۱۶ فیصده زیاتې دي.

د افغانستان د جمهوري ریاست یو شمیر نوماندان هم په زیات شمیر د رایو د پاڼو په چاپ اندیښمن دي او د ټاکنو کمیسیون څخه د رایو د پاڼو په اړه د شفافیت غوښتنه کوي.

خو د ټاکنو خپلواک کمیسیون وايي، دا په ټوله نړۍ کې رواج دی، چې تل د رایې ورکوونکو د شمیر څخه څو فیصده زیاتې د رایو پاڼې چاپیږي او علت یې د ټاکنو په ورځ د احتمالي ضایعاتو مخنیوی دی.

د کمیسیون د وینا له مخې په افغانستان کې د افغان حکومت وسله والو مخالفانو ګواښونو ته په پاملرنې دغه کمیسیون د فیصدۍ له مخې رایې چاپ کړي دي.

د ټاکنو د خپلواک کمیسیون د شمیرنو له مخې د روان ۱۳۹۸ لمریز کال د تلې د شپږمې ورځې په ټاکنو کې د ګډون لپاره څه باندې نهه میلیونه او شپږ سوه زرو رایې ورکوونکو خپل نومونه ثبت کړي، چې له دریو میلیونو زیاتې یې ښځې دي.

XS
SM
MD
LG