بهارت صابر
ملا عبدالباري ، ملا الله داد او ملا اعظم ، د طالبانو هغه درې تنه جګپوړي چارواکي د ملا نور الدین ترابی سره، چې د طالبانو د وخت د عدلیې وزیر و، یو ځای د پاکستان د زندانونو نه خوشي شوي دي.
افغان دولت د دغو طالب چارواکو د راخوشي کیدو هرکلی کوي او وایي هیله یې دا ده چې له زندانه د دوی راخوشي کیدل به د سولی د خبرو اترو لپاره اغیزمن ثابت شي.
د افغانستان د ولسمشر حامد کرزي ویاند ایمل فیضي نن په خبرې ناسته کې د پاکستان د دغه اقدام هرکلی وکړ: « موږ د پاکستان د دغه اقدام هرکلی کوو او هیله لرو چی دا کار د افغانستان د سولی بهیر لپاره اغیزمن ګام وي اود افغان دولت وسله وال مخالفین د خپلو چارواکو د راخوشی کیدو سره د افغان دولت سره د سولې د خبرو لباره چمتو شي.»
د راخوشي شوو کسان په ډلې کې د طالبانو د وخت د عدلیې وزیر، ملا نور الدین ترابي، تر ټولو جګپوړی طالب دی چی افغان دولت یی له پاکستان نه د خوشی کیدو هیله کړې وه.
افغان دولت وایي لاهم د پاکستان له خوا د ځینو نورو طالب مشرانو د خوشي کیدو تمه لري.
د دولت له خوا د طالبانو د خوشي کیدو دا هیله ځکه شوې وه چی په وینا یې راخوشي شوي جګپوړې طالبان وکړی شي چې د هغه دفتر له لارې چی د دوی لپاره په قطر کې پرانستل کیږي له افغان دولت سره د سولې په خبرو کې ګډون وکړي .د ولسمشر ویاند وایي قطر ته ورپيژندل شوی کسان باید د طالبانو له خوا اړین اسناد ولري.
«هغه کسان چې هلته د طالبانو په استازیتوب معرفي کیږي باید د طالبانو له خوا د اعتبار وړ شناسنامې او اسناد ولري چې ثابته کړي دوی د طالبانو واقعي استازي دي نه دا چې بل څوک د طالب په نوم هلته ورځي.»
بل پلو ته ټاکل شوي چې ولسمشر حامد کرزی به د راتلونکې اوونۍ په پیل کې امریکا ته سفر وکړي. ښاغلی کرزی به د دغه سفر په ترڅ کې د امریکا له جمهور ریس باراک اوباما سره د افغانستان د سولې پربهیر، د امنیتی، اقتصادی او سیاسی انتقال پر بهیرونو، د افغان ځواکونو پر روزنې او سمبالولو او له امریکا سره د امنیتي سند په باب خبرې وکړې .
د ولسمشری ماڼۍ وایي په دغه سفر کې به دواړه مشران تر ۲۰۱۴ وروسته افغانستان ته د نړیوالو مرستو دڅرنګوالي او مصارفو په باب هم خبرې وکړې.
ملا عبدالباري ، ملا الله داد او ملا اعظم ، د طالبانو هغه درې تنه جګپوړي چارواکي د ملا نور الدین ترابی سره، چې د طالبانو د وخت د عدلیې وزیر و، یو ځای د پاکستان د زندانونو نه خوشي شوي دي.
افغان دولت د دغو طالب چارواکو د راخوشي کیدو هرکلی کوي او وایي هیله یې دا ده چې له زندانه د دوی راخوشي کیدل به د سولی د خبرو اترو لپاره اغیزمن ثابت شي.
د افغانستان د ولسمشر حامد کرزي ویاند ایمل فیضي نن په خبرې ناسته کې د پاکستان د دغه اقدام هرکلی وکړ: « موږ د پاکستان د دغه اقدام هرکلی کوو او هیله لرو چی دا کار د افغانستان د سولی بهیر لپاره اغیزمن ګام وي اود افغان دولت وسله وال مخالفین د خپلو چارواکو د راخوشی کیدو سره د افغان دولت سره د سولې د خبرو لباره چمتو شي.»
د راخوشي شوو کسان په ډلې کې د طالبانو د وخت د عدلیې وزیر، ملا نور الدین ترابي، تر ټولو جګپوړی طالب دی چی افغان دولت یی له پاکستان نه د خوشی کیدو هیله کړې وه.
افغان دولت وایي لاهم د پاکستان له خوا د ځینو نورو طالب مشرانو د خوشي کیدو تمه لري.
د دولت له خوا د طالبانو د خوشي کیدو دا هیله ځکه شوې وه چی په وینا یې راخوشي شوي جګپوړې طالبان وکړی شي چې د هغه دفتر له لارې چی د دوی لپاره په قطر کې پرانستل کیږي له افغان دولت سره د سولې په خبرو کې ګډون وکړي .د ولسمشر ویاند وایي قطر ته ورپيژندل شوی کسان باید د طالبانو له خوا اړین اسناد ولري.
«هغه کسان چې هلته د طالبانو په استازیتوب معرفي کیږي باید د طالبانو له خوا د اعتبار وړ شناسنامې او اسناد ولري چې ثابته کړي دوی د طالبانو واقعي استازي دي نه دا چې بل څوک د طالب په نوم هلته ورځي.»
بل پلو ته ټاکل شوي چې ولسمشر حامد کرزی به د راتلونکې اوونۍ په پیل کې امریکا ته سفر وکړي. ښاغلی کرزی به د دغه سفر په ترڅ کې د امریکا له جمهور ریس باراک اوباما سره د افغانستان د سولې پربهیر، د امنیتی، اقتصادی او سیاسی انتقال پر بهیرونو، د افغان ځواکونو پر روزنې او سمبالولو او له امریکا سره د امنیتي سند په باب خبرې وکړې .
د ولسمشری ماڼۍ وایي په دغه سفر کې به دواړه مشران تر ۲۰۱۴ وروسته افغانستان ته د نړیوالو مرستو دڅرنګوالي او مصارفو په باب هم خبرې وکړې.