آزاد شوی جاپانی خبریال وايي،دی پنځه میاشتی په افغانستان کې د فاسدو افغان عسکرو له خوا چې له ځان نه یې طالبان جوړ کړي وو، ساتل شوی و.
یوڅلویښت کلن آزاد خبریال (کوسوکې سونیوکا ) پرون د دوشنبی په ورځ جاپان ته رسیدلی دی او د خپل بند په باره کې تبصره یې د انټرنیټ د ټویټر له لاری خپره کړیده.
دی وايي، دده تښتونکي طالبان نه و.
ښاغلې سونیوکا ویلي، هغو کسانو چې دی یې نیولی و، د جاپان حکومت یې د خوږې گوتې نه نیولی وو او داسې یې څرگندوله چې گنې دوی طالبان دي.
مگر د جاپان د حکومت یو مامور وویل، ددغه خبریال د خوشې کیدو په بدل کې بونگه نده ورکړل شوې.
ښاغلې سونیوکا وویل، هغه د خپل بند په دوه لومړیو میاشتو کې فکر کاوه چې په قطعي توگه به ووژل شي مگر هغه زیاته کړه چې جسما ندی زورول شوی.