د لاس رسي وړ اتصالات

د پولنډ جمهور رئیس افغانستان ته سفر کړی


پولنډ جمهور رئیس د اجرائیه رئیس سره د سه شنبې په ورځ د سپیدار په ماڼۍ کې کتلي دي.

د اجرائیه ریاست دفتر په یوه اعلامیه کې ویلي، چې د پولنډ جمهور رئیس اندژي دودا، افغانستان ته د سه شنبې په ورځ د خپل سفر پر مهال د سپیدار په ماڼۍ کې د اجرائیه رئیس عبدالله عبدالله سره هم کتلي دي.

د دغې اعلامیې له مخې د افغانستان اجرائیه رئیس عبدالله د پولنډ له جمهور رئیس اندژي دودا سره په لیدنه کي د پوځي همکاریو په ګډون د دوه اړخیزو همکاریو پر پراختیا خبرې کړې دي.

دا اعلامیه وايي، اجرائيه رئیس، د پولنډ د جمهور رئیس څخه افغانستان سره د دغه هیواد له پوځي همکاریو مننه کړې او په دې برخه کي ئې د همکاریو پر دوام او زیاتیدو ټینګار کړی دی.

همدا راز اجرائیه رئیس عبدالله د ملګرو ملتونو د بشر حقونو په کمیسیون کي د افغانستان له کاندیداتورۍ د پولنډ ملاتړ هم د دواړو هیوادونو په اړیکو کي ښه ګام په توګه یاد کړی او په دې برخه کې یې د پولنډ رول ستایلی دی.

د پولنډ جمهور رئیس په دې لیدنه کي ویلي،‌چې هیواد به ئې د افغان ځواکونو د روزنې، مشوري او ملاتړ په موخه د غوڅ ملاتړ ماموریت په چوکاټ کي خپل سرتیري ډېر کړي او هم به له افغانستان سره سیاسي او پوځي ملاتړ ته دوام ورکړي.

اجرائیه ریاست وايي، په دې لیدنه کي د افغانستان او سیمې پر وروستیو سیاسي پرمختګونو او تحولاتو هم بحث شوی دی.

په پلان کي ده، چي په روان کال کې به افغانستان او پولنډ د خپلو سیاسي اړیکو د پیل د نویمې کلیزي څخه د ځانګړو مراسمو په ترڅ کي نمانځنه وکړي.

پولڼد جمهور رئیس په داسې حال کې افغانستان ته سفر کړی، چې د هغه افغان سیال جمهور رئیس محمد اشرف غني د افغانستان د سولې، امنیت او دوه اړخیزو سیمه ییزو همکاریو په اړه د تاشکند بین المللي کنفرانس کې د ګډون لپاره ازبکستان کې دی.

اوس مهال د قاطع ملاتړ ماموریت په چوکات کې شاوخوا دوه سوه پولنډي سرتیري په .دنده بوخت دي

XS
SM
MD
LG