د امریکا یوه مهمه ورځپاڼه وایي چي واشنګټن غواړي په پاکستان کي د مرکزي استخباراتود ادرې ( سي آی اې ) مخفي عملیات چي هدف یې د افغانستان سره په سرحدي سیمو کي د یاغیانو د پټیدو د ځایونو له منځ وړل دي، پراخ کړي.
د وال سټریټ ژورنال ورځپاڼي پرون د جمعې په ورځ رپوټ ورکړ او ویې ویل چي امریکا په دې وروستیو هفتو کي د پاکستان نه غوښتي دي چي د سي آی اې زیاتو افسرانو او د اردو د خاصو عملیاتو روزونوکوته دي اجازه ورکړي چي هغه هیواد ته ورشي او په یاغیانو باندي په فشار اچولو کي د واشنګټن په هلو ځلو کي برخه واخلي.
په رپوټ کي ویل شوي دي چي اسلام آباد ددغو اضافي کارکونکو د ورلیږلو غوښتنه له دې کبله رد کړې ده چي په پاکستان کي د امریکا د زیات موجودیت له کبله اندیښنې لري.
دغه ورځپاڼه لیکي چي په پاکستان کي د سي آی اې د کارکونکو موجودیت تر زیاتي اندازې پټ او مخفي ساتل شوی دی، مګر د هغوي شمیر په دې وروستیو وختو کي زیات شوی دی.
دوال سټریټ ژورنال ورځپاڼي دا هم ویلي دي چي واشنګټن د اسلام آباد نه غوښتي دي چي د هغو ډلو په مقابل کي چي د القاعدې سره اړیکي لري " زیات شدید اقدامات" وکړي.