د افغانستان پخواني جمهوررئیس حامد کرزي، د ښاغلي مشرف دا خبره رد کړیده چې په افغانستان کی به د هند او پاکستان رقابتي جگړه پیل شي.
ښاغلي کرزي ويلي دي افغانستان او هند هیڅکله داسې یو حالت زغملی نه شي.
متقاعد جنرال پرویز مشرف د فرانس پرس خبري اژانس سره په مرکه کې ویلي دي چې په افغانستان کې د هند نفوذ، پاکستان او سیمې ته خطرناک دی.
دی وايي که هند په افغانستان کی د اقلیتونو، نه د پاکستان په ضد کار واخلي، نو پاکستان به په افغانستان کې د اکثریت قوم، پښتنو ننگه وکړي، او د هند او پاکستان رقابتي جنگ به پیل شي.
خو د کابل د پوهنتون استاد نصرالله ستانکزی وايي پښتانه په دې ډیرښه پوهیږي چې په پاکستان کې د چا د لاسه ډیر کړیدلي دي.
