سوله ساتي ځواکونه یا ایساف واېي په افغانستان کې نهه شپیته په سلو کې ملکي مرګ ژوبله د سرک غاړې د بمي چاودنو له امله رامنځ ته کیږي.
د ایساف ویاند جنرال کریستین جاکب په کابل کې خبریالانو ته وویل دوی او افغان ځواکونه په ګډه د سرک غاړې د بمونو او د چاودیدونکو توکو د زیرمو په کشف او له منځه وړلو کې زیاتی لاسته راوړنې لري او په تیرو ۳ کلونو کې یې د څلور سوو زیاتو بریدونو او بمي چاودنو مخنیوی کړی دی.
ویاند وویل په ملکي مرګ ژوبله کې شپاړس په سلو کې د جګړو او ډزو له امله هم ملکیانو ته زیان رسیدلی.