په وروستیو لسو ورځو کې په بې ساري ډول په کابل او ځینو نورو ولایتونو کې د تیلو بېې خورا لوړې شوي او د عامو خلکو ژوند یې ستونزو سره مخامخ کړې دی. د تیلو د نرخ ددې لوړوالي علت په ایران کې د هغو ټانکرونو بندېدل ښودل کیږي چې افغانستان ته تیل انتقالوي.
تېره ورځ هم په کابل کې د ایران په ضد لاریون وشو. چارواکي وايي تقریبا د تېلو شپاړس سوه ټانکر د تیرې یوې میاشتې راهیسې د ایران په خاوره کې ایسار پاتې دي.