په کابل ښار کی ځانمرګو د ملی اردو یو موټر په نښه کړ چې ۵ مړي او ۹ ټپیان یی په ځای پریښودل.
په کندز کی ځانمرګو کله چې غوښتل یې ښار ته ننوځي د پولیسو له خوا یې مخنیوی وشو په پایله کې ځانمرګي د ملي اردو د جلب و جذب یوه مرکز ته ننوتل او ځانونه یې والوزول
د افغانستان د کورنیو چارو د وزارت په وینا، نن سهار پر ۷ بجو او دیرشو دقیقو د کابل ښار د هودخیلو په سیمه کې د کابل ،جلال اباد پر سړک دوو ځانمرګو برید کونکو د ملی اردو یو موټر والوزولو چې د برید په پایله کې د ملی اردو ۵ تنه منسوبین وژل شوي او ۹ تنه نور ټپیان شوي دي.
همدا رنګه چارواکي پر همدې مهال په کندز ولایت کې د یوې ډله ییزې ځآنمرګې حملې خبر ورکوي او وایي د دې ډلې دوو ځانمرګو برید کونکو هغه مهال ځانونه والوزول چې د امنیتي ځواکونو له خوایی ښار ته د ننوتو مخنیوی وشو .
د پولیسو او پاته ځانمرګو تر منځ جګړه د ورځې تر نیمایي روانه وه د کورنیو چارو وزارت د برید د تلفاتو په اړه څه نه دي ویلي.
د ایساف مقامات ننني بریدونه د ټول افغانستان د بدو امنیتی حالاتو بیلګه نه ګڼي.
د آیساف ویاند ژورف بلاتزوایي اوس مهال د دوی د پوځي فشار د زیاتوالي له امله د وسله والو مخالفینو بریدونه کم شوي دي.
همدا رنګه د نړیوالو ځواکونو د وینا پر اساس د سولې له بهیر سره د حکومت د وسله والو مخالفینو یو ځای کیدل، په دوی باندې د پوځی فشار زیاتول،د نړیوالو او افغان ځواکونو زیاتوالی او په ځینو سیمو کې ښه حکومتولي هم د مخالفینو د بریدونو د کموالي سبب او په هیواد کې د ټیکاو د رامنخته کیدو ښې نښانې دي.
له بلی خوا د کورنیو چارو وزارت ویاند زمری بشری په داسی حال کې چې په تیرې اونۍ کې د هیواد په کچه د ۲ ځانمرګو بریدونو خبر ورکوي وایي تروریستي او تخریبي بریدونو ۱۶ په سلو کې زیاتوالی موندلی دی.
د کورنیو چارو وزارت وايي تیره اونۍ د جنایي پیښو کچه ۱۵ په سلو کې را ټیټّه شوې وه.
بشري وايي، له دې سره سره د مخدره توکو پر ضد مبارزه کې امنیتي ځواکونه ۷۳ په سلو کې بریالي ختلي دي. په دې مبارزه کې پولیسو ۲۷۸۲ کیلو ګرامه مخدر توکي د مختلفو ولایاتو په تیره بیا د هلمند له ولایته تر لاسه کړي دي او ۴۲ تنه یې چې د مخدره توکو د قاچاق په تور تورن وو نیولي دي.
په ټوله کی د امنیتی چارواکو د وینا سره سم د پولیسو د تلفاتو کچه ۳۸ په سلو کې کمی ښیي.
له دې هر څه سره سره په داسې حال کې چې افغان دولت او په هیوا د کې میشت نړیوال ځواکونه د ملکي تلفاتو د کچی د را ټیټولو په لار ک په منډو ټړلو بوخت دي دا شمیره ۷۶ په سلو کی زیاته شوې ده.
د هیواد امنیتی چارواکی دا پړه پر نا امنیو او د سړک د غاړې په ماینونو اچوي او وایي هیله من دي چې په راتلونکي ژمي کې دي دا کچه را ټیټه شي.
د هیواد امنیتي ځواکونو تیره اوونۍ ۸ تنه هغه زندانیان چې د تاجکستان د یوه زندان نه تښتیدلي وود تخار ولایت د درقد په ولسوالۍ کې ونیول.
ویل شوي په دې ډله کې ۳ تنه افغانان او ۵ تنه تاجکان دي.
خو ددې تر څنګ وسله والو مخالفو ډلو د بلخ په ولایت کې د سړک جوړونې د یوې کمپنۍ ۷ تنه بنګله دیشي کارکونکی نامعلوم لور ته تښتولي دي.
په کال کې د افغان پولیسو د لیکونه نږدی ۱۲۰٠۰ تنه روزل کیږي خو ورسره سره اوس مهال یوازې ۲۱۰۰ تنه د هیواد په کچه د محلي پولیسو په لیکو کې راجذب شوي دي.