د کرکټ نړیوالې شورا آی سي سي د هند د کرکټ لوبغاړی ویرات کوهلي د ټیسټ کرکټ په درجه بندۍ کې اول نمبر توپ وهونکی اعلان کړ
ویرات کوهلي په انگلستان کې په وروستیو ټیسټ لوبو کې ١۴٩ او ٥١ منډو نه وروسته په نړیوال رینکنگ کې لومړنی نمبر ترلاسه کړیدی.
د یادونې وړ ده چې د ویرات کوهلي د ٢٠٠ منډو باوجود هند د انگلستان نه دغه ټیسټ لوبه وبایلله.
د کوهلي نه وړاندی سټیو سمت د ټیسټ کرکټ اول نمبر توپ وهونکی و. هغه د ٣٢ میاشتو راهیسې د نړۍ اول نمبر توپ وهونکی و.
د اسټرالیا پخوانی کپتان سټیو سمت ته جنوبي افریقا کې د بال د خرابولو د قضیې نه وروسته د ١٢ میاشتو د بندیز سزا واورول شوې وه او هغه اوس دغه سزا پوره کوي.
کوهلي د هند ٧ توپ وهونکی دی چې د ټیسټ کرکټ په درجه بندۍ کې اول نمبر ته رسیدلی دی.