امریکایان د مدني حقوقو د وتلي مبارز مارتین لوترکنگ قدرداني او نمانځنه کوي. مارتین لوترکنگ په کال ۱۹۶۸ کې ووژل شو.
نن دوشنبې ده د مارټین لوترکنگ ورځ ده او فدرالي کلنی رخصتی ده. په دې ورځ د کنگ د زیږیدو کلیزه نمانځل کیږي چې د ١٩٥٠ او ١٩٦٠ په لسیزه کې یی د نژادي تبعیض په ضد مبارزه وکړه.
که مارتین لوترکنگ ژوندی وای ، نو نن به درې اتیا کلن وای.
براک اوباما ،د آمریکا لومړنی تورپوستی امریکایی ولسمشر ، په هغو مراسمو کې وینا وکړه چې د کنگ د قدرداني او یادګار د مجسمې د افتتاح دپاره جوړشوی وو. جمهورریس وویل امریکا باید د کنگ لاره تعقیب کړي اود یو ډیر ښه ملک دپاره هڅو ته ادامه ورکړی.
ښاغلی اوباما وویل ، کنگ د نژادي برابرۍ دپاره په خپلې مبارزی زمونږ وجدان ویښ کړ .
مارتین لوترکنگ په ١٩٦٨ کال کې د اپریل په څلورمه د تینیسی د ایالت په ممفس کی ووژل شول.
د هغه شهرت هغه وخت ډیر زېات شوچې د الباما د ایالت په مانټگمری کې یی په سرویسونو کې د تورپوستواوسپین پوستو د بیلتون په ضد د احتجاج رهبری وکړه. د هغه وخت د سیستم په اساس توران باید د سرویس په اخرو څوکیو کی ناست وای اوکه چیري د سرویس چوکۍ ډکې وای نو تورپوستو باید خپلی څوکۍ سپین پوستو ته پرېښې وای.
د مدنی حقوقو د ١٩٦۴ کال مهم قانون دغه دبیلتون سیستم غیر قانونی اعلان کړ. مارتین لوتر کنگ ته د عدم تشدد د مبارزی په خاطر په هماغه کال کی د نوبل د سولی جایزه ورکړل شوه.