ناټو وايي چې افغان او اېتلافي ځواکونو پرون د طالبانو د ېوه قوماندان د نیولو لپاره د خپلو مشترکو عملیاتو په لړ کې د یوه کور د تلاشئ پر وخت یو تن افغان پولیس او نجلۍ ویشتلي دي.
د ناټو ېوه مطبوعاتي بېانېه چې نن یې خپره کړې ده وایي چې د ننګرهار په ولایت کې د تلاشئ پر وخت د طالبانو د قوماندان دپټېدلو په ځاې کې یوه سړي د ایتلاف عسکرو ته د ټوپک ګواښ وشو، عسکرو نوموړی وویشته چې بیا وروسته د تحقیقاتو نه څرګنده شوه چې نوموړی په خپله هم د ملي پولېسو غړی و.
د ناټو بیانیه زېاتوي کله چې دکور تلاشي اخیستل کېده نو ېوه نجلۍ هلته موجود وه، چې دعسکرو په لېدولو سره هغې د کور شا ته منډه کړه. عسکرو ګومان وکړ چې ټوپک به ورسره وي نو سمدستي ېې هغه هم وویشتله.
د ناټو ېوه مامور نن ددغې نجلۍ د وژلو له امله معذرت وغوښته او ویې ویل ناټو کوښښ کوي چې دافغان ځواکونو په مرسته او همکارئ په دې اړه پلټنې وکړي او د وژلو سبب یې معلوم کړي ترڅو په راتلونکې کې بیا دغه شان پېښه رامنځ ته نشي.
د افغانستان جمهور رییس څو څو وارې دناټو دعسکرو په لاس د ملکي وګړو په وژلو باندې انتقاد کړې او سږ کال په مارچ کې ېې په افغانستان کې دناټو عمومي قوماندان ته ووېل چې دملکي خلکو وژل کیدل نور د منلو وړ نه دي.